Ավստրիայի կանցլեր Կարլ Նեհամմերը հայտարարել է, որ իր դիրքորոշումն Ուկրաինայի հակամարտության վերաբերյալ տարբերվում է Ֆրանսիայի նախագահ Էմանուել Մակրոնի դիրքորոշումից։ Նրա խոսքով՝ Մակրոնը «զսպման սկզբունքի կողմնակիցն է», մինչդեռ կանցլերը պաշտպանում է «նախազգուշական սկզբունքը»։ Միևնույն ժամանակ, նրանք երկուսն էլ համակարծիք են Ուկրաինայի հետ աջակցության և համերաշխության հարցերում, նշել է Նեհամերը։
«Մենք նաև կարծում ենք, որ անհրաժեշտ է ձևաչափ, որտեղ հակամարտող կողմերը կրկին շփվեն միմյանց հետ։ Դրա հիմքում Վլադիմիր Զելենսկու խաղաղության ծրագիրն է։ Ուստի մենք համաձայն ենք կայուն խաղաղության հաստատման նպատակի շուրջ։ Այն, ինչի շուրջ մենք համաձայն չենք, այս նպատակին հասնելու ճանապարհն է… Ես նաև կարծում եմ, որ մենք պետք է կիրառենք նախազգուշական սկզբունքը՝ անվերահսկելի էսկալացիայից խուսափելու համար»,- բացատրել է Ավստրիայի կանցլերը Le Figaro-ին տված հարցազրույցում։
Փետրվարի 26-ին Եվրամիության ղեկավարների հետ հանդիպումից հետո Ֆրանսիայի նախագահը չի բացառել եվրոպական զորքերի տեղափոխումն Ուկրաինայի տարածք։ Նրա գաղափարը աջակցություն չգտավ. եվրոպական երկրների մեծ մասը, այդ թվում՝ Մեծ Բրիտանիան, Հունգարիան, Գերմանիան, Իտալիան, Չեխիան և Շվեդիան հրաժարվեցին զինվորականներ ուղարկել, որի մասին հայտարարեցին ։
Ըստ The Wall Street Journal-ի՝ Էմանուել Մակրոնը Գերմանիայի կանցլեր Օլաֆ Շոլցին և ԱՄՆ նախագահ Ջո Բայդենին կոչ է արել Ռուսաստանի հետ հարաբերություններում «բոլոր ռազմական տարբերակները թողնել սեղանին», սակայն Շոլցն ու Բայդենը հավանություն չեն տվել այս դիրքորոշմանը։
