Բոլորը քննարկում են, թե արդյոք եկեղեցականները եկեղեցին իրավունք ունե՞ն զբաղվելու քաղաքականությամբ, կամ իրավունք ունե՞ն կարծիք ասելու: Այս մասին իր ուղիղ եթերում նշել է «Լուսավոր Հայաստան» կուսակցության նախագահ Էդմոն Մարուքյանը:
«Այս քննարկումն այն մասին է, որ դա գավառականություն է, ինչպե/ս կարող են եկեղեցականները ինչ-որ բան ասել: Մյուս կողմից ասում են՝ ուզում եք կրոնապետությո՞ւն լինի: Ասում են՝ նման դեպքեր եղել են, բայց դրանք անհաջող օրինակներ են, օրինակ Կիպրոսի օրինակը, որից հետո եղել է Թուրքիայի ներխուժումը: Հիմնական թեզն այն է, որ եկեղեցականները պետք է հեռու մնան քաղաքականությունից, չպետք է կարծիք ասեն: Այդ դեպքում ինչո՞ւ են անընդհատ ասում՝ ո՞ւր է մեր եկեղեցին, ո՞ւր է մեր կաթողիկոսը: Մյուս կողմից էլ ասում են՝ ո՞վ է ձեզ թույլ տվել նմն բաներ խոսել, սա կրոնապետություն չէ: Այստեղ հարց է ծագում՝ եթե եկեղեցականներն իրավունք չունեն կարծիք ասելու, բա ո՞վ ունի: Ի՞նչ եք այս արշավը սկսել, որ իրավունք չունեն կարծիք ասելու, որ դա կործանարար է: Թեզը, որ եկեղեցականներն իրավունք չունեն բան խոսելու, բոլշեւիկյան թեզ է: Դա բոլշեւիկների ժամանակ է եղել, որ եկեղեցիները վառել են, գոմեր են սարքել, լավագույն դեպքում գրադարան: Բոլշեւիկյան թեզերն ինչո՞ւ եք բերում մեր եկեղեցականենրի դեմ: Բան են ասում, կարող եք, փաստական դաշտում բանավիճեք նրանց հետ, առանց ասելու՝ ագենտ, ռսաստրուկ, պետություն չեք ուզում ունենալ, միութենական պետության ջատագով»,- ասաց Մարուքյանը:
Նա նկատեց, որ, այսպես կոչված, ազատական, «արեւմտամետների» փորձագիտական համայնքը, թուրք-ադրբեջանական ագենտուրան, ասում է, որ իրավունք չունեն եկեղեցականները խոսելու. «Փաստորեն արեւմտամետները բոլշեւիկյան փաստարկներ են բերում ընդդեմ Հայ առաքելական սուրբ եկեղեցու: Օրինակ, Թուրքիայում ԷԹրդողանի կուսակցությունն իր հիմքում ունի իսլամական ակունքներ, սերտաճած են: Օրինակ, ԱՄՆ-ում Հանրապետական կուսակցությունը շատ խորը կրոնական ուղղություն ունի: Աբորտների դեմ պայքարը այդտեղից է: Իսրայելում Նեթանյահուի կոլաիցիայի մեջ կան աջ ծայրահեղական ուժեր, որոնք ամբողջությամբ իրենց հիմքում դրված են կրոնական կանոնագրքերը: Մեծ Բրիտանիայում Լորդերի պալատում 21 բարձր հոգեւորական է նստում եւ իրենց կարծիքն ասում են տարատեսակ հարցերի վերաբերյալ: Հնդկաստանում իշխող ուժը եւս ունի խորը կրոնական, հինդուական արմատներ:
Հայաստանում ոչ ոք չի ասում, որ եկեղեցականը պետք է դառնա վարչապետ, ուղղակի կարծիք ասելու մասին է այս քննարկումը»,- ասաց նա:
