Ապարանի հովվության հոգևոր հովիվ Տեր Մուշե քահանա Վահանյանն ամոթանքի խոսքեր է հղում կարգալույծ հռչակված Ստեփան Ասատրյանին ու Վարդան Հունանյանին։
«Ամո՛թ ձեզ, որ երբևէ հոգևորական եք եղել, ասելու ոչինչ չունեմ»,- ասում է Տեր Մուշեն։ Նաև ընդգծում ՝ «այդ ամբողջ ճաշը եփեց» Ստեփան Ասատրյանը։
«Իրեն ասում եմ ՝ ամոթ քեզ, այդտեղ տղամարդկություն չկա, այդտեղ քահանայություն չկա։ Բոլոր նրանք, ովքեր կհավանեն ու կհավատան նրա քահանայությանը՝ թող այս ամենը տեսնեն ու եզրակացնեն, թե այն քահանան, որը կարող է ցուցմունք տալ իր առաջնորդի դեմ, այդ քահանան ինչպե՞ս կարող է որպես քահանա գործել»,- ասում է Տեր Մուշեն։
Տեր Մուշե քահանա Վահանյանը վստահեցնում է, որ Ստեփան Ասատրյանին ու Վարդան Հունանյանին սիրել ու ընդունել են որպես եղբայրների, որևէ խտրականության մասին խոսք անգամ չի կարող լինել։
«Խտրականություն չի եղել, բոլորդ լսել եք, թե ինչպիսի եկեղեցիներում էին ծառայում նրանք, ինչպիսի վերաբերմունքի եւ հարգանքի են արժանացած եղել այս քահանաները: Որեւէ խտրականություն չի եղել, որովհետեւ մենք իրենց սիրել ենք որպես եղբայրներ: Մենք եւ եկեղեցին իրենց սիրել ու վստահել ենք »,- ասում է «Խտրականություն չի եղել, բոլորդ լսել եք, թե ինչպիսի եկեղեցիներում էին ծառայում նրանք, ինչպիսի վերաբերմունքի եւ հարգանքի են արժանացած եղել այս քահանաները: Որեւէ խտրականություն չի եղել, որովհետեւ մենք իրենց սիրել ենք որպես եղբայրներ: Մենք եւ եկեղեցին իրենց սիրել ու վստահել ենք»,- ասում է Տեր Մուշեն։
Նա հավելեց, որ Ստեփան Ասատրյանը ստում է, երբ ասում է, որ իրեն ճնշել են, իր ընտանիքի մասին հայհոյանքով են խոսել: «Ես ներողություն պիտի խնդրեմ իր ծնողներից, իր հայրիկից, իր մայրիկից, որ իրենց որդին դավաճան է, եւ խախտել է այս խաղաղությունը»,-նշեց տեր Մուշեն:
