Ադրբեջանի ԳՇ պետը ստուգել է անձնակազմի պատրաստվածության վիճակը

Ադրբեջանական բանակի գլխավոր շտաբի պետ, պաշտպանության փոխնախարար Քերիմ Վելիեւը եւ ցամաքային զորքերի հրամանատար Էնվեր Էֆենդիեւն այցելել են զորամասեր եւ ստուգել ինտենսիվ պարապմունքների ընթացքը նոր զորավարժությունների շրջանում. հայտնում է News.am-ը։

«Գլխավոր շտաբի պետը լսել է հրամանատարական կազմի զեկույցը պարապմունքների կազմակերպման եւ անցկացման մասին։ Նշվել է, որ հատուկ ուշադրություն է դարձվում ստորաբաժանումներում մարտական պատրաստվածության միջոցառումների որակյալ կազմակերպմանը։ Պլանային կարգով անցկացվող զորավարժանքների ժամանակ հիմնական ուշադրությունը դարձվում է անձնակազմի տակտիկական-հատուկ պատրաստվածության անհատական ունակությունների զարգացմանը եւ կատարելագործմանը։ Պաշտպանության փոխնախարարն ընդգծել է վարժանքների անցկացման կարեւորությունը հրամանատարական կազմի համար՝ իրական մարտի պայմաններում»,- նրան մեջբերել են ադրբեջանական ԶԼՄ-ները։