Ադրբեջանը սկսել է Լեռնային Ղարաբաղում միջազգային օդանավակայանի կառուցումը

172

Բաքուն սկսել է միջազգային օդանավակայանի կառուցումը Լեռնային Ղարաբաղի Ֆիզուլիի շրջանում և ակնկալում է այն շահագործել աշնանը: Այդ մասին այսօր արտասահմանյան լրատվամիջոցներին տված հարցազրույցում հայտարարել է Ադրբեջանի նախագահ Իլհամ Ալիևը:

«Ինչ վերաբերում է Ֆիզուլիի օդանավակայանին, աշխատանքներն արդեն սկսվել են: Մենք անհապաղ սկսեցինք լուծել ականազերծման հետ կապված խնդիրները, քանի որ նախևառաջ անհրաժեշտ էր մաքրել այդ տարածքը, այդ գործընթացն արդեն մոտ է ավարտին: Բնականաբար, այս տարի այն կշահագործվի: Մենք ուզում ենք, որ դա լինի աշնան սկզբին: Եվ եթե ամեն ինչ ընթանա ըստ ծրագրի, այս տարվա աշնան սկզբին օդանավակայանն արդեն շահագործման կհանձնվի», ՏԱՍՍ-ի հարցին պատասխանել է Ալիևը: