Ավելի լավ է՝ Փաշինյանը իշխանություն կորցնի, քան «թագավորի» ավերակների վրա

Ադրբեջանի նախագահ Իլհամ Ալիևը հայտարարել է, որ եթե Հայաստանը չկատարի 2020թ. նոյեմբերի 9-ի պայմանագրով ստանձնած պարտավորությունները, Բաքուն իրեն իրավունք է վերապահում «համարժեք պատասխան» տալ. դիտարկումը պատմաբան-քաղաքագետ Սուրեն Սուրենյանցինն է։

Այս հայտարարությունը Ալիևը հնչեցրել է ԱՊՀ գագաթնաժողովում։

Սուրենյանցը շարունակել է, որ Ալիևի հերթական ագրեսիվ ելույթը հաստատում է իր այն թեզը, որ աշխարհաքաղաքական տարբեր կենտրոններից Բաքվին ոչ թե «չկրակելու հրաման» են արձակում, այլ երաշխիքներ են տալիս, որ նրա օրակարգը կամ դրա առնվազն մի մասը բանակցային լուծում ունեն։

Սուրենյանցը շարունակել է.

Պարզ է, որ Բաքվին տրված այդ երաշխիքներ որոշակի պատասխանատվություն են դնում նաև Հայաստանի վրա` ոչ պոպուլյար լուծումներով գնալ հարաբերությունների կարգավորման կամ խաղաղության պայմանագրի ստորագրման։

Պաշտոնական Երևանը պետք է գնա այդ լուծմանը, քանի դեռ միջազգային ազդեցիկ խաղացողները Բաքվին զսպելու ռեսուրսներ ունեն։

Փաշինյանը վախենում է գնալ պայմանագրի ստորագրման, որովհետև իշխանությունը կորցնելու վախեր ունի։

Բայց նա գոնե մեկ անգամ պետական գործչի հատկանիշներ պետք է դրսևորի։ Ավելի լավ է` նա իշխանություն կորցնի, քան «թագավորի» ավերակների վրա։ Երկրորդ դեպքում ժողովուրդն ու պատմությունը նրան չեն ներելու։