«Եթե արագ պատասխան չստացանք, դիմելու ենք Սահմանադրական դատարան։ Մենք պետք է կտրենք ՔՊ-ի թևերը Հայաստանում, այսօրվա իրավիճակով ՔՊ-ն արդեն իսկ ամենաթույլ, մեծամասնությունը կորցրած, 50%-ից ավելի քիչ ձայն ունեցող ուժ է, և չի կարող Ալիևի ցուցումով սահմանադրություն փոխել: Մենք գնալու ենք ավելի խորք, որպեսզի վերանայվի արդյունքները», հայտարարել է Նարեկ Կարապետյանը, ասելով, որ ընտրության արդյունքը չեղարկելու համար դիմում են ԿԸհ՝ քանի որ փաստերն առավել քան բավարար են:
Ճիշտ է: Ավելորդ աժիոտաժի, «Փողոց-մողոցի» վերաբերյալ աղմուկի, իներցիոն դեկլարացիաների փոխարեն՝ հանդարտ, հետեւողական, համակարգային աշխատանք իրողությունների հետ՝ դրանք փոխելու համար:
Իրատեսակա՞ն է, որ ԿԸՀ-ն, կամ թեկուզ հետո ՍԴ-ն կփոխեն ՔՊ արդյունքը: Իմ կարծիքո՝ ոչ: Բայց, եթե որեւէ մեկը կարծում է, թե իրատեսական է որեւէ բան փոխել «փողոցով», կարծում եմ հեռու է իրողությունների համարժեք ընկալումից:
Ըստ այդմ, պետք է աշխատել իրավա-քաղաքական հարթության վրա, իրավունքը ծառայեցնելով քաղաքականությանը, քաղաքականությունը՝ իրավունքին, իսկ իրավունքը հանրագումարում վերածել ուժի: Իրավունքի ուժի գիտակցումն է, որ կարող է ձեւավորել հանրային մտքի ուժը: Եվ ուրեմն, ընդդիմության դաշտի հիմնական խաղացողների խնդիրն է ավելի ու ավելի ընդլայնել իրավունքի ուժի հանրային գիտակցումը, որովհետեւ դրանից է բխելու արդեն ընդդիմադիր էլեկտորատի պասիոնարության նոր լիցքը: Գործել այս ուղղությամբ անդադար, համառ, հետեւողական. ռազմավարական համբերատարությամբ:
Հակոբ Բադալյան, քաղաքական վերլուծաբան
