Գերագույն ստախոսը հասավ նրան, որ Ալիևը ստիպում է նրան գրավոր հաստատել իր համաձայնությունը վերջնագրերի հետ։ Իսկ մենք, թույլ տալով նրան նստել աթոռին, ինքներս մեզ զրկեցինք ընտրությունից։ Այս մասին Սուրբ Աթոռում ՀՀ նախկին դեսպան Միքայել Մինասյանը գրում է Տելեգրամ ալիքում:
«Ահա այն փաստաթուղթը, որի մասին ես գրել եմ Ֆեյսբուքում.
1. Սա այս պահին համաձայնեցվող փաստաթղթի առաջին էջի առաջին կետերն են
2. Այն ունի նաև գաղտնի մաս (չհաշված Նիկոլի և Ալիևի բանավոր պայմանավորվածությունները)
3. Նիկոլն ամեն ինչի հետ համաձայնեց, բայց դեռ չի ստորագրել
4. Նա 3 նախապայման է դրել Ալիևի առաջ ստորագրման համար. ընտրություններից առաջ դուրս բերել ադրբեջանական զորքերը Հայաստանից և վերադարձնել գոնե մի քանի գերիների, իսկ 6 գյուղ հանձնելու մասին ձևակերպումները դարձնել առավելագույնս լղոզված, որպեսզի ապահովվի նրա թեթև վերընտրությունը
Արա Այվազյանը հրաժարվել է որևէ առնչություն ունենալ այդ փաստաթղթի հետ՝ նշելով, որ ԱԳՆ-ն դեմ է դրան։
Սրանից խուսափելու միակ միջոցը՝ Նիկոլից հնարավորինս շուտ ազատվելն է։ Քանի դեռ նա իշխանության ղեկին է, այդ «…»- ը շարունակվելու է»,- գրել է Մինասյանը
