Դադիվանքում նշանադրվել են Ժորա Աբգարյանն ու ու Նարինե Փոլադյանը։
Ժորան Ապրիլյան պատերազմի հերոս Տիգրան Աբգարյանի եղբայրն է, որը Ապրիլյան պատերազմից հետո իր ողջ կյանքն ու գործունեությունը նվիրել է բանակին։ Նրան հաճախ անվանում են՝ սահմանն ամրացնող տղա կամ սահմանի համար անվադողեր հավաքող տղա։ Լուռ, համեստ, առանց ավելորդ պաթոսի Ժորան իր ընկերների հետ անգնահատելի գործ է անում մեր դիրքերի համար։ Ժորան նաև հիմնադրել է հերոս եղբոր անունը կրող մարտական պատրաստվածության ակումբ։
Ժորայի ընտրյալը՝ Նարինեն, բեյրութահայ երիտասարդ խաչքարագործ է, որը մի օր եկավ Հայաստան և մնաց իր հայրենիքում։ Նարինեին հաճախ ասում են՝ Հայաստանի միակ խաչքարագործ աղջիկ։
