Խորհուրդ ՀՀ կառավարությանը.
Իրական շահառուների հայտարարագիրը լրացնելու վերջին փուլը վճարման գործընթացն է։ Հայտարարագիրը հաստատելու համար տնտեսվարողից պահանջվում է քարտով վճարել 10.000 դրամ։ Այսինքն՝ եթե երկրում կա մոտ 50 հազար ՍՊԸ տնտեսվարող, բոլորը՝ անկախ այն բանից՝ գործում են, թե ոչ, պետք է վճարեն այդ անիմաստ տուրքը։ Գումարային հանրագումարը կազմում է մոտ 500. 000. 000 դրամ ( հինգ հարյուր միլիոն դրամ ) 50000 x 10000 = 500. 000. 000դրամ:
Ընդ որում` այդ գումարը վճարվում է անկախ այն հանգամանքից` եղե?լ է որևէ փոփոխություն շահաբաժինների, բաժնեմասերի հետ կապված, թե ոչ։
Փաստացի պարզապես պետության ուշադրության լույսի տակ հայտնվելու համար իրական շահառուներին ստիպում են ամեն տարի վերահաստատել իրենց գոյությունը։ Հավելենք, որ այդ հայտարարագիրը հանձնվում է արդարադատության նախարարության պետռեգիստր, որտեղ արդեն իսկ կան տնտեսվարողի բնօրինակ ստորագրությամբ հաստատված բոլոր բնօրինակ փաստաթղթերը։
Սա էլեկտրոնային ստորագրության տարեկան վճարի նման գումարքերոցի է։
Ելնելով նմանօրինակ գումար գրպանողների կառավարչական ձգտումից՝ առաջարկում եմ հետայսու տարեկան 10.000 դրամ տուրք սահմանել tax service համակարգի հաշվետվությունների հանձնման նկատմամբ։
Մոտավորապես 80 տեսակի հաշվետվություն և հայտարարագիր կա այդ համակարգում։
Եթե դրանց նկատմամբ կիրառվի իրական շահառուների հայտարարագրի 10.000 դրամանոց տխմարությունը, ապա պետբյուջե կգնան ահռելի գումարներ, և հնարավոր կլինի ավելացնել պետական գրպանահատների պարգևների չափը։
Հիմա՝ ավելի լուրջ։
Երկրի տնտեսական բլոկի կառավարիչ պարոնայք, դուք տեղյակ չեք ԻՇ հայտարարագրի վճարի մասին:
Առկախե՛ք այդ տխմար վճարի գանձումը։
Պարզապես ամո՛թ է։
Հրայր Կամենդատյան, տնտեսագետ, «Հայաքվե» նախաձեռնության ներկայացուցիչ
