Հայաստանի քաղաքական գործիչներին, վերլուծաբաններին, պատգամավորներին, լրագրողներին այսուհետ Հայաստանի մասին որևէ տեղեկություն ստանալու համար պետք է հնարավորություն տան պաշտոնապես դիմել Մոսկվային և Անկարային։ Այս մասին ֆեյսբուքյան իր էջում գրել է իրավապաշտպան Ավետիք Իշխանյանը։
«Փաստորեն հաստատվեց, որ հաջորդ շաբաթ սպասվում է հերթական եռակողմ հանդիպումը։Այս անգամ տեղեկությունը պաշտոնապես հաստատեց Մոսկվան։
Մինչ այդ Հայաստանին առնչվող հարցերի մասին մեզ տեղեկացնում էր Թուրքիայի նախագահը՝ վարչապետի խնդրանքը Վրաստանի վարչապետին, գաղտնի բանակցությունները Ադրբեջանի նախագահի հետ։
Կարծում եմ, պետք է «Տեղեկատվության ազատության մասին» օրենքում փոփոխություններ կատարել, որպեսզի Հայաստանի քաղաքական գործիչները, վերլուծաբանները, պատգամավորները, լրագրողները այսուհետև, Հայաստանի մասին որևէ տեղեկություն ստանալու և հպարտված քաղաքացիներին տեղեկացնելու համար, հնարավորություն ունենան պաշտոնապես դիմելու Մոսկվային և Անկարային»,- գրել է Իշխանյանը։
