Նաիրի Հոխիկյանի էջից, –
Հերթական ապատեղեկատվությունն է տարածվում Արցախում, այս անգամ Բերձորով անցնող (Լաչինի) միջանցքի մասին, իբրև թե շուտով այն փակվելու է։ Ոչ ոք չի քննարկում, թե ինչպես պետք է փակվի այդ ճանապարհը, եթե այն Արցախը ՀՀ-ի հետ կապող առայժմ միակ ուղին է։
Արցախից տասնյակ նամակներ եմ ստանում, մարդիկ ահաբեկված հարցնում են, թե ինչ է լինելու իրենց հետ։
Սիրելի արցախցիներ, սա ևս թշնամու հերթական սադրանքն է, որի նպատակն է մարդկանց մեջ խուճապ տարածել՝ մղելով արտագաղթի։ Մի հավատացեք այդ հիմարություններին։ Արցախը երբեք չի զրկվի մայր Հայաստանի ցամաքային կապից։
Ինձ մտահոգում ու բարկացնում է ոչ միայն մեր հանրության հոգեբանական անպաշտպան վիճակը, այլև այն, որ քաղաքական գործիչներն ու պաշտոնյաները որևէ կերպ չեն ապրում հասարակ մարդու խնդիրներով ու հոգսերով։ Ադրբեջանի տեղեկատվական գրոհները պետք է անմիջապես ոչնչացվեն հայկական պետականության կողմից։ Բայց քանի դեռ մենք չունենք ազգային իշխանություն, ես պարտավոր եմ գիշեր ու ցերեկ լինել իմ ազգի սրտում։
Բերձորով անցնող Լաչինի միջանցքին ոչինչ չի սպառնում, ավելին՝ շուտով ադրբեջանցիներն այլևս Բերձորով չեն անցնի, հանգիստ եղեք, իմ պաշտելի հայրենակիցներ։
