Հոկտեմբերի 1-ին, ժամը 14-ին, Բրյուսելի Շուման հրապարակում համաեվրոպական հանրահավաք է գումարվելու՝ հանուն Արցախի փրկության: Հանրահավաքի կազմակերպիչն է «Եվրոպացիները հանուն Արցախի» (Europeans for Artsakh) 17 երկրի 500 կազմակերպություն միավորող շարժումը, որը մամլո հաղորդագրության մեջ իրազեկել է, թե հոկտեմբերի 5-ին Բրյուսելում կայանալիք եվրոպական քաղաքական համայնքի երրորդ համաժողովի Փաշինյան-Միշել-Ալիեւ-Մակրոն-Շոլց հանդիպմանն ընդառաջ եվրոպահայությունն ու Արցախի բարեկամները նպատակ ունեն լսելի դարձնելու իրենց ձայնն ի նպաստ արցախահայության իր բնօրրանում խաղաղ ապրելու, դադարեցնելու Ադրբեջանի ցեղասպան քաղաքականությունը: «Նաեւ մեզնից է կախված Արցախի ապագան», գրված է մամլո հաղորդագրության մեջ:
ԱՆԱՀԻՏ ՀՈՎՍԵՓՅԱՆ
