Բելառուսի նախագահ Ալեքսանդր Լուկաշենկոն կանխորոշել կամ, ավելի ճիշտ, գաղտնազերծել է, թե առաջիկայում ինչ է սպասվում Հայաստանի Հանարապետությանը։ Չնայած գիտակից քաղաքացիներին վաղուց էր պարզ, որ Հայաստանը օր-օրի է կորցնում իր ինքնավարությունը, բայց հոգու խորքում բոլորս էլ սպասում ենք, որ ինչ-որ պահի ազգային ու պետական գիտակցությունը կարթնանան ու իրավիճակ կփոխվի։ Նայելով Հայաստանում կատարվող իրադարձությունների ու գործընթացների տրամաբանությանը՝ ցավոք, այդ հույսն էլ է մարում։
Բելառուսի նախագահի ասածները զայրացրել ու զարմացրել են թե՛ ընդդիմադիմության եւ թե՛ իշխանության ներկայացուցիչներին, բայց բացի դատապարտիչ կամ «տեղը դնող» մեկ-երկու ելույթները, քաղաքական ամբիոնը մաշեցնողները ուրիշ ոչինչ չեն արել կամ ասել։ Կարեւոր էր ոչ թե նրա «ինչ է, կարծում եք՝ նրանք ինչ-որ մեկին պե՞տք են», այլ «Հայաստանը փախչելու տեղ չունի» արտահայտությանն արձագանքել՝ այն էլ ոչ թե պատգամավորների, այլ անձմաբ վարչապետ Նիկոլ Փաշիննյանի շուրթերով։ Վերջինս, սակայն, ի տարբերություն 2018-ի, երբ զարմացած էր, որ 30 տարի պետության ղեկավարի կարգավիճակում եղած մարդը կարող է իրեն թույլ տալ՝ ՀԱՊԿ հավաքական անվտանգության խորհրդի դռնփակ նիստից հետո Բելառուսում Ադրբեջանի դեսպանին պատմել դռնփակ ֆորմատում տեղի ունեցածը, այժմ ձայն-ծպտուն չի հանում ու չի մեկնաբանում՝ ի՞նչ է իրականում ասել Բելառուսի իր գործընկերը։
Իսկ Լուկաշենկոն պարզ ու առանց ենթատեքստերի հաստատում է, որ մոտ ապագայում (հիշելով նրա նախորդ հայտարարությունները՝ հենց այս՝ 2022-ին) Հայաստանը «Միութենական երկրի» մաս է դառնալու։
