Երեւանի կամերային երաժշտական պետական նախկին թատրոնի շենքն արդեն Հայաստանի պետական սիմֆոնիկ նվագախմբին է անցել: Թատրոնը, հիշեցնենք, դեռեւս 2021-ին լուծարվեց ու միացավ Երեւանի Հակոբ Պարոնյանի անվան երաժշտական կոմեդիայի թատրոնին: Մինչեւ թատրոնի փակումն արդեն հայտնի էր, որ Երեւանի կենտրոնում գտնվող շենքը խմբավար Սերգեյ Սմբատյանի ղեկավարած նվագախմբին է անցնելու: Մասնագետները սակայն ասում էին, թե շենքն անհարմար է լինելու նվագախմբի համար, քանի որ փոքր դահլիճ ունի ու անհարամար է փորձեր անելու համար:
Օրերս սակայն նագախմբի տնօրեն Սարգիս Բալբաբյանը լրատվամիջոցներից մեկի հետ զրույցում ասել էր, որ Հայաստանի պետական սիմֆոնիկ նվագախմբին հատկացված Կամերային երաժշտական թատրոնի շենքը շատ հարմար է նվագախմբի պրոֆեսիոնալ աշխատանքը կազմակերպելու համար: «Սակայն շենքի ներսում բավականին մեծ փոփոխություններ պետք է արվեն: Տարածքը, որտեղ նախկինում հանդիսատեսի համար նախատեսված աթոռներն էին, փոքր բեմը, դառնալու է մեկ հարթությամբ փորձասենյակ, որը ժամանակակից լուսային ու ձայնային լուծումներ կունենա»,- ասել է նա:
Բաղրամյան փողոցում գտնվող շենքը, ըստ «Ազգ»ի տեղեկությունների, կրթության, գիտության, մշակույթի ու սոպրտի նախարարությունը միանգամից նվագախմբին է տրամադրել՝ առանց Պետական գույքի կառավարման կոմիտեին հանձնելու, բայց նկատնեք, որ հազվադեպ է լինում, երբ պետական գույքի՝ մի գերատեսչությունից մյուսն անցնում է մինագամից՝ առանց Պետգույքի կոմիտեում հաշվառման:
ՍԵՎԱԿ ՎԱՐԴՈՒՄՅԱՆ
