Ադրբեջանական մամուլն առաջին էջում հրապարակել է Բունդեսթագի նախագահ Բերբել Բասի (Bärbel Bas) ադրբեջանցի իր պաշտոնակցի հետ Բեռլինում հանդիպման լուսանկարները՝ կից գրությամբ՝ «Գերմանիան սատարում է Ադրբեջանի տարածքային ամբողջականությանը»: Լուսանկարներից մեկում Բունդեսթագի նախագահը պահել է Ղարաբաղի մասին Բաքվի նոր հրատարակած՝ ամենայն հավանականությամբ նվեր ստացած գիրքը: Մինչդեռ աշխարհի 48 երկրներում գործող Մարդու իրավունքների միջազգային (GFM) ընկերությունը դեկտեմբերի 4-ին նամակ է հղել Բունդեսթագին՝ պահանջելով հստակ դիրքորոշում հայտնել նախագահ Բասի՝ ԼՂ էթնիկ զտումն իրագործած, պատերազմական հանցագործության մեջ կասկածյալ Սահիբա Ջաֆարովայի հետ հպարտ կեցվածքով լուսանկարի առնչությամբ:
ԱՆԱՀԻՏ ՀՈՎՍԵՓՅԱՆ
