Ուոթերթաուն: Հոկտեմբեր 27-ի եւ 28-ի շաբաթավերջին, «Արմինյն Միրոր-Սփեքթեյթր» շաբաթաթերթը տոնեց հրատարակման 90-ամյակը երկու նշանավոր իրադարձություններով: Ուրբաթ օրը լրագրողների բանավեճ տեղի ունեցավ, որին մասնակցեցին Չարլզ Մահտեսյանը (Politico-ից), Կառլա Կարապետյանը (ֆիլմարտադրիչ, BBC-ի նախկին հաղորդավարուհի), Քեն Դիլանյանը (NBC News-ից) եւ Էրիկ Հակոբյանը (CivilNet-ից), որոնք խոսեցին հոտընկայս ներկաների առաջ:
Շաբաթ օրը կայացավ գալա-համերգ, որի տոմսերը ամբողջովին վաճառված էին օրեր առաջ: Հնչեցին Զուլալի քաղցր հնչյունները, իսկ հանդիսավարուհի Սոնա Հովսեփյանի խոսքը եզրափակեց 90-ամյակի հանդիսությունները:
Ամբողջական ռեպորտաժը եւ նկարները՝ մեր հաջորդ համարում: Մինչ այդ բանավեճի տեսագրությունը կարելի է դիտել՝ մուտք գործելով «www.mirrorspectator.com» կայքէջը:
«Ազգ»ը ջերմորեն շնորհավորելով իր ավագ գործընկերոջ 90-ամյա հոբելյանը, աշխատանքային ողջույններ հղելով խմբագիր Ալին Գրիգորյանին, նրա տեղակալ Արամ Արքունին, ժրաջան աշխատակիցներին, ՌԱԿ եւ ԹՄՄ Ամերիկայի ու Կանադայի մեր շրջանակներին եւ ղեկավարությանը՝ Mirror-ը կայուն ու որակյալ պահելու համար:
Ավելի մանրամասն՝ հաջորդիվ:
