Կլիմայի հարցերով միջազգային համաժողովն առիթ է տվել Ադրբեջանին ինքնության վերաձեւակերպման հարցում «առաջընթաց գրանցել»: Մայիսին 1-2 գրառումն արդեն հուշում էր, որ գիտնականներին հանձնարարվել է պայքարել «ազերի» ձեւի դեմ: «Ադրբեջանցիներն են հյուրընկալում COP29-ը, ոչ թե ազերիները: Ադրբեջանցիները 40 միլլիոն են, նրանցից 10 միլիոնն է բնակվում Ադրբեջանի Հանրապետությունում, մոտ 28 միլիոնը՝ հարեւան Իրանում: Ադրբեջաներենը թուրքական լեզվաընտանիքին է պատկանում, շատ մերձ է Թուրքիայում եւ Թուրքմենստանում խոսվող լեզուներին: Դրանք երբեւէ չեն կիրառում «ազերի» ձեւը, երբ խոսքը վերաբերում է տեղի բնակիչներին: Սակայն անգլախոս ԶԼՄ -ների աշխատակիցները հաճախ են «ազերիներ» ձեւը կիրառում՝ որպես ազգի անուն, լեզվի համար էլ նախընտրում են «ազերի» տարբերակը: Այսուհետ շրջանառել «ադրբեջանցիներ», «ադրբեջաներեն» ձեւերը» հորդորում է հանձնարարականը:
ԱՆԱՀԻՏ ՀՈՎՍԵՓՅԱՆ
Գերմանիա
