Anonymous հաքերային խումբը դատապարտելէ Ռուսաստանի ռազմական գործողություններն Ուկրաինայում եւ աջակցություն հայտնելով վերջինիս՝ հայտարարել,որ առցանց պատերազմ է սկսում Ռուսաստան դեմ.
«Anonymous խումբը պաշտոնապես պատերազմ է հայտարարում Ռուսաստանին»,- ասվում է խմբի հայտարարության մեջ: Հաքերները գրառմանը ավելացրել են նաեւ «Ուկրաինա» հեշթեգը:
Խումբը հայտնի է իր զանգվածային DDoS հարձակումներով, կառավարական փաստաթղթերի գաղտնազերծմամբ եւ քաղաքական գործիչների հաշիվները կոտրելով: Տեղեկատվական անվտանգության փորձագետները վստահ են, որ Anonymous-ի հայտարարության հետեւում իրական սպառնալիք է թաքնված: Նկատենք նաեւ,որ խմբին արդեն հաջողվել է կարճ ու երկար ժամկետներով խափանել եւ շարքից հանել ինչպես ռուսական մի շարք լրատվական ծառայությունների էլեկտրոնային տարբերակները, այնպես էլ՝ պետական որոշ կայքեր:
«DDoS հարձակումներն ամենապարզ բանն են, որ կարող են տեղի ունենալ: Նշանառության տակ կարող են հայտնվել պետական կայքերը, պետական առցանց ծառայությունները, օրինակ՝ Պետական էլեկտրոնային փոստը, քաղաքական գործիչների սոցիալական մեդիայի էջերը, պետական բանկերի կայքերը եւ տեղեկատվական տեխնոլոգիաների ենթակառուցվածքը, ռազմարդյունաբերական համալիրի ձեռնարկությունները»,- լրատվամիջոցների հետ զրույցում ասել է Infosecurity a Softline ընկերության տեղեկատվական անվտանգության մասնագետ Սերգեյ Նենախովը:
Նրա խոսքով, այս համայնքը բազմիցս կոտրել է կառավարական կայքեր, հրապարակել տարբեր երկրների քաղաքական գործիչների էլեկտրոնային նամակներ: Նրանք իրենց դրսեւորել նաեւ ԴԱԻՇ ահաբեկչական կազմակերպության դեմ առցանց պայքարում՝ տեղեկություններ ստանալով եւ հրապարակելով կազմակերպության անդամների մասին:
Group-IB-ը ընկերության մասնագետները կարծում են, որ վտանգը կայանում է նրանում, որ այլ խմբեր կարող են գործել Anonymous-ի անվան տակ.
«Ինչ վերաբերում է Anonymous-ին, նրանք գործում են հետեւյալ կերպ. նախ՝ նրանք գտնվում են հանրային առցանց համայնքներում, օրինակ՝ Twitter-ում, կոչ են անում հարձակումներ գործել որոշակի կազմակերպությունների վրա՝ որպես որոշակի քարոզարշավի մաս: Այս արշավներին կարող են միանալ երիտասարդ հաքերները, որոնք չունեն մասնագիտական հմտություններ եւ կարողություններ: Առաջին հայացքից տարօրինակ թվացող այս գործողության կարեւորությունը նման գործողությունների զանգվածային բնույթի մեջ է»,- պարզաբանել են ընկերությունից:
Մասնագետներից Ֆեդոր Դբարը կարծում է, որ շատ բան կախված կլինի նրանից, թե ում վրա կհարձակվի խումբը.
«Ամենալուրջ հետեւանքները կարող են լինել տեղեկատվական ենթակառուցվածքի (CII) վրա հարձակումները, բայց չի կարելի ասել, որ «վաղը մենք կմնանք առանց լույսի կամ էլեկտրականության»: Նման զարգացումը քիչ հավանական է, քանի որ CII-ի պաշտպանության գործընթացները Ռուսաստանում վաղուց են ընթանում: Մեծ ջանքեր են գործադրվել նման օբյեկտների անվտանգության ապահովման համար, եւ պետական կառույցներն ունեն բոլոր անհրաժեշտ ռեսուրսները՝ նման սպառնալիքներին արդյունավետ դիմակայելու համար»,- ասել է Դբարան:
Դբարի մտավախությունները հաստատել է Jet Infosystems-ի Jet CSIRT IS մոնիտորինգի եւ միջադեպերի արձագանքման կենտրոնի առաջատար վերլուծաբան Դմիտրի Լիֆանովը.
«Իր գործունեության շրջանակներում խումբը կարող է կազմակերպել DDoS հարձակումներ կարեւորագույն ռեսուրսների վրա, վտանգի ենթարկել եւ հրապարակել ինչպես առեւտրային, այնպես էլ պետական կազմակերպությունների գաղտնի եւ անձնական տվյալները»,- ասաց փորձագետը՝ մատնանշելով, որ Anonymous-ը դա արել է նախկինում:
Գեւորգ ԳՅՈՒԼՈՒՄՅԱՆ
