Այսօր 82 տարեկան հասակում Պրահայում մահացել է չեխ քաղաքական նախկին գործիչ, սենատոր եւ եվրոպատգամավոր, գրող եւ Lidove՛ noviny-ի հայտնի օրաթերթի նախկին գլխավոր խմբագիր Յարոմիր Շտետինան: ՕՐԵՐ ամսագրի խմբագիրները ճիշտ երեկ տեսակցեցին անվանի քաղաքական գործչին ու լրագրողին իր հիվանդասենյակում, ուր նա գտնվում էր երկարատեւ հիվանդության պատճառով:
Յարոմիր Շտետինան կարեւոր հետք է թողել հայ-չեխական հարաբերությունների պատմության մեջ, լուսաբանել է Ղարաբաղյան խնդիրը դեռեւես խորհրդային տարիներից, եղել է թեժ կետերում: Չեխիայի սենատի անդամ դառանալուց հետո աշխատում էր Հայոց ցեղասպանույթան ճանաչման ուղղությամբ, իսկ Եվրոպական խորհրդարանում մասնակցում էր Արցախին նվիրված քննարկումներին եւ իր արդար ձայնը բարձրացնում հանուն արցախահայության իրավունքների պաշտպանության: Վերջին 7-8 տարիներին հիվանդության պատճառով ակտիվ գործուենույթամբ չէր զբաղվում, բայց շարունակում էր գրել ու գրքեր հրատարակել, այդ թվում՝ նվիրված հայկական թեմաներին: Սպիտակի երկրաշարժին նվիրված նրա պատմվածքներից մեկը բեմադրվել է Պրահայի Վիոլլա թատրոնում:
2004 թվականին նա հաջողությամբ մասնակցել էր Կանաչների կուսակցությունից ընտրություններին եւ դարձել Սենատի անկուսակցական թեկնածու՝ տասը տարի աշխատելով խորհրդարանի վերին պալատում: Իսկ 2015-2019 թվականներին իբրեւ սենատոր ներկայացնում էր TOP 09 կուսակցությունը Եվրախորհրդարանում:
Նա նաեւ 1992թ չեխական People in Need – «Մարդը կարիքի մեջ» միջազգային բարեսիրական կազմակերպության համահիմնադիրներից էր, որը ստեղծվել էր Հայաստանի երկրաշարժից հետո: 1970-ականներից կազմակերպել է արշավներ դեպի Սիբիր եւ Ասիա, թղթակցել խորհրդային Միության տարբեր վայրերից:
Աստված հոգին լուսավորի: Հայ ժողովրդի եւս մեկ բարեկամ պակասեց մեր շարքերից:
ՕՐԵՐ-ի խմբագրակազմը ցավակցում է սիրելի Յարոմիր Շտետինայի հարազատաներին ու բարեկամներին, որդուն եւ թոռնիկներին:
orer.eu
