Ինչպես ծանուցում է «Իսրայելն այսօր» գերմանալեզու կայքը սեպտեմբերի 30-ին, հրեաների Ռոշ հա Շանայի՝ Նոր տարում 31.000 ներգաղթյալ է ժամանել Իսրայել, ըստ պաշտոնական տեղեկագրի: Հակահրեականության աճն աշխարհում պատճառ է դարձել, որ ավելի քան 100 երկրից հրեաների տունդարձն աճի: Ներգաղթի համար ազդակ է դարձել նաեւ հոկտեմբերի 7-ին «Համասի» հարձակումը: Առաջին տեղում Ռուսաստանն է, որից 20 000 ներգաղթյալ, հաջորդում են ԱՄՆ-ն եւ Կանադան, մոտ 3350 ներգաղթյալ, Ֆրանսիայից՝ 1820-ից ավելի, 980 հոգի Ուկրաինայից, 975 Բելառուսից, 560 Մեծ Բրիտանիայից, 450-ից ավելի Արգենտինայից, 300-ից ավելի Վրաստանից, 280 Հարավային Աֆրիկայից, 250 Բրազիլիայից, 220 Ուզբեկստանից, 160 Գերմանիայից, 150 Ադրբեջանից, 135 Ավստրալիայից, 130 Մեքսիկայից, 100-ից ավելի Ղազախստանից: Մինչ մեզ մոտ ճիշտ հակառական է տեղի ունենում, «Սա հրեական սփյուռքի եւ Իսրայելի խոր կապի արտահայտությունն է», գնահատել է Իսրայելի ներգաղթի նախարարը:
ԱՆԱՀԻՏ ՀՈՎՍԵՓՅԱՆ
