ԱԼԻԵՎԸ ԿՐԿԻՆ ՍՊԱՌՆՈՒՄ Է

«Աշխարհը ճանաչում է Ադրբեջանի տարածքային ամբողջականությունը, Ղարաբաղըՙ որպես դրա բաղկացուցիչ, իսկ Հայաստանը չի ուզում այն ճանաչել: Բազմիցս հրապարակավ ասել եմ, որ Ադրբեջանը պատրաստ է Հայաստանի հետ խաղաղության բանակցություններ սկսել, խաղաղության համաձայնագրի շուրջ աշխատել: Ցայժմ հայկական կողմից պաշտոնական արձագանք չենք ստացել», իսպանական « El Pais» օրաթերթին տված հարցազրույցում ասել է Ալիեւը, որ փոխանցում է «Ազերթաջի» գերմաներեն տարբերակըՙ դեկտեմբերի 15-ին: «Ղարաբաղյան երկրորդ պատերազմից առաջ նրանց վարչապետը հրապարակավ հայտարարեցՙ «Ղարաբաղը Հայաստան է եւ վերջ»: Այս արտահայտությունը խաթարեց բանակցային գործընթացը եւ անցյալ տարվա դառը պարտության տարրերից մեկը եղավ»: Ալիեւը հույս է հայտնել, որ Հայաստանի եվրոպացի գործընկերները կհամոզեն նրան, որ այդ դիրքորոշումն ապագա չունի: «Եթե Բաքվի հետ խաղաղության պայմանագիր չկնքեն, ապագայում կրկին տառապելու են», սպառնացել է Ալիեւը: