| Հոկտեմբերի 23-ին, ժամը 17.30-ին Գյումրիի Ասլամազյան քույրերի պատկերասրահում կկայանա պորտուգալաբնակ էկվադորցի բանաստեղծուհի, երաժիշտ Կարլա Բադիլյո Կորոնադոյի «Նռան գույնը» բանաստեղծությունների ժողովածուի հայերեն թարգմանության շնորհանդեսը: Բանաստեղծությունները գրվել են Սերգեյ Փարաջանովի «Նռան գույնը» ֆիլմի ազդեցությամբ: Հեղինակն այն նվիրել է մեծանուն ռեժիսորին եւ Սայաթ Նովային:«Նռան գույնը» ժողովածուն 2016 թվականին «Loewe» հիմնադրամի «Երիտասարդ ստեղծագործողներ» անվանակարգում արժանացել է միջազգային մրցանակի: Կարլան չափածո եւ արձակ մի շարք գրքերի հեղինակ է, որոնք նույնպես գնահատվել են հեղինակավոր մրցույթներում:Գրական գործունեությունից բացի նրա ուշադրության կենտրոնում են հնչյունային հետազոտությունները, ինչպես նաեւ կինոյի եւ պոեզիայի փոխառնչությունները:Համերգ-հանդիպման ընթացքում կհնչեն Կարլա Բադիլյո Կորոնադոյի երաժշտական ստեղծագործություններից, կընթերցվեն բանաստեղծություններ «Նռան գույնը» ժողովածուիցՙ զուգահեռ հայերեն թարգմանությամբ:Համերգ-հանդիպումը նվիրվում է «Ակտուալ արվեստ»-ի 25+1-ամյակին: |
ՆՌԱՆ ԳՈՒՅՆԻ ՇՆՈՐՀԱՆԴԵՍ ԳՅՈՒՄՐԻՈՒՄ
Վերջին լուրեր
Ջերմաստիճանը կբարձրանա
Հանրապետության տարածքում հունիսի 8-ի ցերեկը, 9-ի, 11-12-ի գիշերը սպասվում է առանց տեղումների եղանակ։ Հունիսի 9-ին, 11-12-ի կեսօրից հետո, 10-ի և...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական