ՄԵՐ ՕՐԱԿԱՐԳԻ ԳԼԽԱՎՈՐ ՀԱՐՑԸ

7

Դիվանագիտությունը կնճռոտ հարցերը կարգավորելու ամենազորեղ ու արդյունավետ միջոցն է: Դիվանագիտության անկարողության դեպքում պատերազմի թնդանոթներն են որոտում: Իսկ եթե պատերազմն էլ է անզոր գտնվում, դարձյալ դիվանագիտությունն է ակտիվանում:

Այս օրերին աշխարհի տարբեր երկրների մայրաքաղաքներումՙ Վիլնյուսից ու Հռոմից սկսած, Մոսկվայով ու Թեհրանով վերջացրած, հայկական պատվիրակությունների ներկայացուցչական երկկողմ հանդիպումների ու դիվանագիտական շփումների մասին է խոսվում:

Հայկական պատվիրակությունների շքերթը նաեւ միջազգային կազմակերպությունների հարթակներ է ներթափանցել:

Հայաստանում էլ դիվանագիտական հանդիպումների նախաձեռնությունն անցել է Երեւանում հավատարմագրված դեսպաններին:

Իսկ արտերկրներում ծառայություն իրականացնող մեր դեսպանները լծված են Երեւանից ստացած հանձնարականների կատարմամբ:

Հանդիպումների օրակարգում գլխավոր հարցը «ուշ լինի, նուշ լինի» հայերեն ասացվածքի ճշմարտացիության ապացուցումն է, կարծես: