ԼԻԲԱՆԱՀԱՅ ԱՐՏԵՄ ՓԱԹԱՓՈՒԹՅԱՆԸ 2021-Ի ՆՈԲԵԼՅԱՆ ՄՐՑԱՆԱԿԱԿԻՐ

4

Այսօրՙ հոկտեմբերի 4-ին, միջօրեից առաջ Նոբելյան կոմիտեն հրապարակեց բժշկության բնագավառում մրցանակակիր զույգի անուններըՙ ամերիկացի Դեյվիդ Ջուլիուս եւ լիբանանահայ Արտեմ Փաթափության: Գիտնականներին մրցանակ է տրվել մարմնի ջերմաստիճանի եւ հպման ռեցեպտորների հայտնագործության համար: Այն կնպաստի մի շարք հիվանդությունների բուժման եղանակներ գտնելու, քրոնիկ ցավերը դարմանելու համար:

1955-ին Նյու-Յորքում ծնված Ջուլիուսի ընտանիքի, հայրենակիցների համար Նոբելյան մրցանակն անշուշտ մեծ ուրախություն է, իսկ 1967-ին Բեյրութում լույս աշխարհ եկած Փաթափությանիՙ Նոբելյան ստացած առաջին հայի ուրախությունն իսկական, մեծ հաղթանակ է նաեւ մեր ժողովրդի համար: Վերապրողի հաղթանակ, որ հույս է տալիս, մեծ հույս, որի կարիքն հենց այս պահին ունենք: Պարտվել ենք պատերազմումՙ ապաշնորհների պատճառով, հաղթելու ենք, քանզի մեր միտքն ու ոգին չեն կարող պարտվել: Բոլոր բանակցություններից առաջ հիշենք սա, որ արժանապատիվ մնանք: Կանդրադառնանք: