ՈՒՐԱԽԱԼԻ Է ԻՄԱՆԱԼ

5

«Ազգ»-ի թղթակից, անվանի գիտնական, Հայկական էներգետիկական ակադեմիայի հիմնադիր նախագահ Ստեփան Պապիկյանը զբաղվում է ոչ միայն գիտական հարցերով, այլ նաեւ մեր երկրի առջեւ ծառացած տարբեր խնդիրների ուսումնասիրությամբ եւ դրանք պատկան մարմիններին ներկայացնելու գործով:

«Ազգ» շաբաթաթերթի հուլիսի 2-ի համարում տպագրվել էր Ստեփան Պապիկյանի հեղինակությամբ գրված «Էլեկտրական ավտոբուսը` երթեւեկության կարեւոր միջոց» հոդվածը: Հեղինակն այս կարեւոր առաջարկությունն ուղարկել էր նաեւ Երեւանի քաղաքապետարան: Ստացվել է դրական պատասխան: Նամակից տեղեկանում ենք նաեւ,որ ընթացիկ տարում մայրաքաղաք կներկրվեն ավելի քան 200 միջին դասի սեղմված գազով աշխատող ավտոբուսներ: Ստորեւ ներկայացնում ենք պատասխան նամակից մի հատված:

«Ապագայում էլեկտրական ավտոբուսների ձեռք բերման եւ համապատասխան ենթակառուցվածքների ստեղծման համար ֆինանսական հնարավորությունների դեպքում, Երեւան քաղաքում էլեկտրական ավտոբուսների ներդրման ծրագրի մշակման ժամանակ հաշվի կառնվեն Ձեր դիտարկումները, ինչպես նաեւ այդ ասպարեզում միջազգային հաջողված փորձը»,- նշվում է Երեւանի քաղաքապետարանի կողմից Ստեփան Պապիկյանին հասցեագրված նամակում: