Այն մտքին զուգահեռ, որ վարչապետ Փաշինյանը հայտնել է կառավարության երեկվա նիստին, թե այս ծանր ժամանակում իր վրա է վերցնում հետագա զարգացումների պատասխանատվությունըՙ արտաքին եւ ներքին կայունության ու անվտանգության ապահովման առումով, հետաքրքրական է մի ուրիշ տեսակետ, հնչած Ազգային ժողովում: Իշխող «Իմ քայլը» իմբակցության պատգամավոր Վլադիմիր Վարդանյանը լրագրողների հետ զրույցում նշել է, թե Արցախը պետք է ներգրավվի բանակցային գործընթացում, որը պետք է շարունակվի ԵԱՀԿ Մինսկի խմբի գործընթացում, այսինքնՙ Արցախն իր ճակատագրի պատասխանատվությունն իր վրա պետք է վերցնի: Որ գործընթացը կվերականգնվիՙ դրա մասին է վկայում նաեւ Արցախը ճանաչելու անհրաժեշտության մասին Ֆրանսիայի սենատի բանաձեւը, որն իրավական փաստաթուղթ դառնալու համար դեռ պետք է անցնի Ֆրանսիայի Ազգային ժողովով ու Մակրոնի ստորագրությունը կրի: Սակայն դա հազիվ թե արագ տեղի ունենա, կամ առհասարակ տեղի ունենա, ԱՄՆ-ն ու Ֆրանսիան ուղղակի կուզենան արագ վերականգնել Մինսկի խմբի ձեւաչափըՙ մասնակցությունը գործընթացներին վերականգնելու համար, ու ֆրանսիան բանաձեւով այդ ճանապարհն է բացել: Այս բոլորին կարող է խանգարել Իրանին խփել սպառնացող ու դեռեւս իշխանության ղեկին գտնվող Թրամփը:
Վերջին լուրեր
Զելենսկին ռուսական գազի տարանցման պայմանագիրը չի երկարաձգի
Ուկրաինան չի երկարաձգի ռուսական գազի տարանցման պայմանագիրը. Ըստ Strana.ua-ի՝ Բրյուսելում կայացած մամուլի ասուլիսում հայտարարել է երկրի նախագահ Վլադիմիր Զելենսկին։ «Մենք...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական