| Արեւիկ Քեշիշյան Ամերիկյան հետախուզության ներկայացուցիչները նոր կորոնավիրուսի վտանգի մասին նախազգուշացրել էին դեռ 2019 թվականի նոյեմբերին։ Ըստ որում, գնահատականը տրված էր ոչ միայն մարդկանց առողջության, այնպես էլ գործարար կյանքի վրա դրա ազդեցության տեսանկյունից։ԱՄՆ պաշտպանության նախարարության հետախուզական վարչությանն առընթեր բժշկական հետախուզության կենտրոնի զեկուցագրին ծանոթացել են ABC հեռուստաընկերության աղբյուրները։ Այդ մասին հաղորդում է ՏԱՍՍ գործակալությունը։ Փաստաթղթում մասնավորապես երկյուղներ են արտահայտված Չինաստանի Ուհան տարածված վիրուսի կապակցությամբ։ Փորձագետները նախազգուշացնում էին, որ վարակիչ վիրուսը կարող է սպառնալ Ասիայում ծառայող ամերիկացի զինվորականներին։ Զեկուցագրի հեղինակները հանգել են այն եզրակացությանը, որ վիրուսի տարածման դեպքում համաճարակի հետեւանքները կարող են աղետալի լինել։Տվյալ տեղեկատվությունը քանիցս ներկայացվել է ամերիկյան շտաբների պետերին եւ Սպիտակ տանը։ Դաշնային խորհրդի եւ Ազգային անվտանգության խորհրդի ներկայացուցիչների մասնակցությամբ դեկտեմբերին կանոնապես անցկացվել են ճեպասուլիսներ։ Բայց այդ ժամանակ ներգործուն միջոցներ այդպես էլ չեն ձեռնարկվել։Ավելի վաղ The Washington Post թերթը հաղորդել էր, որ դեռ 2020 թվականի հունվարին նախագահ Դոնալդ Թրամփը նախազգուշացում էր ստացել COVID-19 վիրուսի տարածման վտանգների վերաբերյալ։ Այդ մասին նրան հայտնել էր Սպիտակ տանն առընթեր Առեւտրի ազգային խորհրդի ղեկավար Պիտեր Նավարոն։ |
ԱՄԵՐԻԿՅԱՆ ՀԵՏԱԽՈՒԶՈՒԹՅՈՒՆԸ ԿՈՐՈՆԱՎԻՐՈՒՍԻ ՄԱՍԻՆ ՆԱԽԱԶԳՈՒՇԱՑՐԵԼ ԷՐ ԴԵՌ 2019 Թ․
Վերջին լուրեր
Սիրիական բանակը պատրաստվում է հակահարձակման՝ վերականգնելու պետական իշխանությունը
Սիրիական բանակը շաբաթ օրը հայտարարել է, որ ընդդիմադիր ուժերը ներխուժել են Հալեպ քաղաքի մեծ հատվածներ հարձակման արդյունքում, որի հետևանքով զոհվել...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական