ԱՄՆ նախագահ Դոնալդ Թրամփը հրամանագիր է ստորագրել առեւտրային նպատակներով Լուսնի ռեսուրսները յուրացնելու վերաբերյալ։ Նա բացառում է տիեզերական տարածության համընդհանուր սեփականություն լինելու հանգամանքը եւ Սպիտակ տան վարչակազմին հրամայում է ամեն կերպ ընդդիմանալ դրան։
Փաստաթղթում ասվում է, որ ամերիկացիներին իրավունք է ընձեռվում օգտագործելու տիեզերքի բնապաշարներն առեւտրային նպատակներով, հաղորդում է ՏԱՍՍ գործակալությունը։ Տիեզերական տարածությունը օրենսդրության տեսակետից «մարդու գործունեության եզակի տարածք է», այնպես որ ԱՄՆ-ը այն չի համարում համընդհանուր ունեցվածք։ Միացյալ Նահանգների քաղաքականությունը ուղղված է ինչպես պետության, այնպես էլ անհատների կողմից տիեզերքի ռեսուրսների օգտագործմանը։
Հրամանագրում ասվում է, որ ԱՄՆ-ը չի ճանաչում Լուսնի եւ մյուս երկնային մարմինների վրա պետությունների համատեղ գործունեության համաձայնագիրը, որը ՄԱԿ-ի Ընդհանուր ժողովը ընդունել է 1979 թվականին։ Դրանով ԱՄՆ-ը իրեն առաջնություն է վերապահում մյուս երկրների նկատմամբ։
Ավելի վաղ news.ru լրատվական հարթակը հաղորդել էր, որ նախագահ Թրամփը նախատեսել էր 2020 թ․ ֆինանսական տարում Կոնգրեսից NASA-ի համար 500 մլն դոլար խնդրել Լուսնի յուրացման նպատակով։ Դա պայմանավորված էր պետության եւ տիեզերական հետազոտությունների ճյուղի համագործակցության խորացմամբ։
