| «Սփյուռքահայ շրջանավարտների միություն» հասարակական կազմակերպության նախագահ Արտեմիս Լեփեջյանը խնդրանքով դիմել է ԱԶԳ-ինՙ բարձրաձայնելու Հայաստանում բնակվող սիրիահայ շատ ընտանիքների կարիքների մասին։ Աշխատասեր ու ձեռներեց սիրիահայերից շատերը ԿՈՎԻԴ-19-ի համաճարակի հետեւանքով նույնպես հայտնվել են կարիքի մեջ։ Նրանցից շատերն ապրում են վարձակալած բնակարաններում, աշխատում են սրճարաններում, ռեստորաններում, սննդի փոքր օբյեկտներում կամ էլ գեղեցկության սրահներում եւ ավտովերանորոգման արհեստանոցներում։ Այժմ նրանք զրկված են աշխատանքից, իսկ հատկապես երիտասարդները աշխատանքային գրանցում չունեն, հետեւաբար զրկված են նպաստային փաթեթներից։Նկատի պետք է ունենալ նաեւ այն հանգամանքը, որ սիրիահայերը որպես ՀՀ նոր քաղաքացիներ պահանջկոտ չեն եւ, որոշ իմաստով, վարժ չեն իրենց պահանջները ներկայացնելու պետական հիմնարկներ։ Սիրիայում նրանք վարժված են եղել համայնքային կյանքի, եւ կարիքավորներին համայնքն է հոգացել եկեղեցու կամ բարեգործական կազմակերպությունների միջոցով։Ակնկալում ենք, որ կառավարությունը, առաջին հերթինՙ Սփյուռքի գծով հանձնակատարը, անհապաղ ուշադրություն դարձնեն սիրիական ճգնաժամից հետո Հայաստանում ապաստան գտած մեր հայրենակիցների կարիքներին եւս։ |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ՀԱՅԱՍՏԱՆՈՒՄ ԲՆԱԿՎՈՂ ՍԻՐԻԱՀԱՅ ԸՆՏԱՆԻՔՆԵՐ ՆՈՒՅՆՊԵՍ ԿԱՐԻՔԻ ՄԵՋ ԵՆ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2025 «ԱԶԳ» վերլուծական