ՌԱԿ Կենտրոնական վարչություն
Ատենապետ Հ. Կարապետյան
Սույն թվականի ապրիլի 5-ին Արցախում Ռամկավար Ազատական կուսակցության անունից հանդես եկող ոմն Բարդուղ Գալստյան համացանցում հայտարարություն է տարածել առ այն, որ ՌԱԿ-ը չի ճանաչում մարտի 31-ին Արցախում կայացած նախագահական եւ խորհրդարանական ընտրությունների արդյունքներըՙ անօրինական համարելով դրանք:
Տեղեկացնում ենք, որ Ռամկավար Ազատական կուսակցությունը գրանցված է ՀՀ-ում, եւ ՌԱԿ-ի անունից իրավունք ունի հանդես գալ միայն Ռամկավար Ազատական կուսակցության Կենտրոնական վարչությունը: ՌԱԿ ԿՎ-ը հետեւելով մարտի 31-ին Արցախում կայացած ընտրությունների ընթացքին եւ հիմնվելով ինչպես դիտորդների, այնպես էլ ՀՀ իշխանությունների դրական գնահատականների վրաՙ համարում է դրանք օրինական եւ ժողովրդավարական, որոնք արտացոլում են Արցախի ժողովրդի կամքը:
ՌԱԿ Կենտրոնական վարչությունը հայտարարում է, որ Բարդուղ Գալստյանը չի ներկայացնում Ռամկավար Ազատական կուսակցությունը, հետեւաբար իրավասու չէ հանդես գալ ՌԱԿ-ի անունից:
