Թեքեյան մշակութային միության Մ. Նահանգների ու Կանադայի Կենտրոնական վարչության մեկենասությամբ օրերս լույս տեսավ պատմաբան, դոկտոր-պրոֆեսոր Սուրեն Սարգսյանի նոր աշխատությունը «Միհրան Տամատյանի հրապարակախոսությունը» խորագրով: «Տիր» հրատարակչության տպագրատանը լույս ընծայված 349 էջանոց հատոը ամփոփում է ազգային-ազատագրական պայքարի աննկուն մարտիկ, ազգային եւ կուսակցական մեծանուն գործիչ, Ռամկավար Ազատական կուսակցության երախտավոր, հրապարակագիր Միհրան Տամատյանի քաղաքական ու գաղափարախոսական հայացքներն արտահայտող հոդվածների բովանդակային վերլուծությունը, հատկապես նկատի ունենալով Տամատյանի հրապարակումները «Փիւնիկ», «Արեւ» եւ «Լուսաբեր-Արեւ» թերթերում:
Աշխատությունը նախատեսված է պատմաբանների, քաղաքագետների եւ ընթերցողական լայն հանրույթի համար:
