ԿՈՐՈՆԱՎԻՐՈՒՍԻ ՊԱՏՃԱՌՈՎ ՄՅՈՒՆԽԵՆԻ ԿՈՆՖԵՐԱՆՍԸ ՉԻ ՀԵՏԱՁԳՎԻ

1963-ին հիմնադրված Մյունխենի անվտանգության ամենամյա կոնֆերանսն այս տարի կգումարվի փետրվարի 14-16-ինՙ քննարկման առանցք դարձնելով ամենահրատապ թեմանՙ կլիմա եւ անվտանգություն: 56-րդ կոնֆերանսին իրենց մասնակցությունն են հաստատել 30-ից ավելի պետությունների եւ կառավարությունների ղեկավարներ, արտաքին գործերի եւ պաշտպանության 70 նախարարներ, ավելի քան 450 հանրահայտ հյուր է ներկա լինելու համաշխարհային բանավեճի հիշյալ հարթակում: Հաստատվել է թե՛ ԳԴՀ նախագահ Շթայնմայերի, թե՛ Ֆրանսիայի նախագահ Մակրոնի ներկայությունը: Հյուսիսային Կորեան առաջին անգամ պատվիրակություն կուղարկի Մյունխեն: Մյունխենում իր ներկայության մասին հաստատել է Ֆեյսբուքի հիմնադիր Մարկ Ցուկերբերգը: Հայաստանը կներկայացնի վարչապետ Փաշինյանը: