ՎԱՆԴԱԼԻԶՄ ԸՆԴԴԵՄ ՀԱՅԿԱԿԱՆ ԵԿԵՂԵՑՈՒ

սարիայի Բաղպինար գյուղում գտնվող պատմական Սուրբ Աստվածածին հայկական եկեղեցին արդեն քանիերորդ անգամ բարբարոսական հարձակման է ենթարկվել, Թուրքիայից տեղեկացնում է «Էրմենի հաբեր» լրատվամիջոցը հունվարի 21-ին: Գանձ որոնողների վանդալիզմի հետեւանքում զգալի վնաս են կրել եկեղեցու պատերի որմնանկարները: Թուրքական լրատվամիջոցին տված հարցազրույցի ժամանակ գյուղապետ Օմեր Նալբանտը ափսոսանք է հայտնել կատարվածի առնչությամբ եւ հույս հայտնել, որ իշխանությունները կվերականգնեն եկեղեցին եւ կդարձնեն դիտարժան վայր զբոսաշրջիկների համար: Ըստ նրա, քանիցս ամուր մետաղյա դռներ եւ կողպեքներ է տեղադրել տվել, բայց վանդալներին հաջողվել է ջարդել դրանք եւ ներս մտնել: Մշակույթի եւ զբոսաշրջության գավառական մասնաճյուղը հայտնել է, որ շրջանի բոլոր եկեղեցիները հաշվառման են ենթարկված եւ նախատեսված են դրանց վերանորոգման աշխատանքները, սակայն նա չի նշել կոնկրետ որեւէ թվական, թե երբ են դրանք սկսվելու: