| Ինքնաթիռով ճանապարհորդելը կարող է լարվածության հավելյալ աղբյուր դառնալ շատերի համար: Թռիչքների չեղյալ հայտարարումը, ուշացումների անորոշ երկարությունը, անվտանգության անցակետերի մոտ մարդկանց կուտակումները դարձել են սովորական երեւույթներ օդանավակայաններում:«Թուլացնելու համար ուղեւորների լարվածությունը, մենք այժմ 22 շներից եւ 1 խոզից (5-ամյա Լիլուն) կազմված «բուժջոկատ» ունենք, որ սիրում է նրանց եւ հեշտությամբ հաղորդակցվում նրանց հետ: Ուղեւորներն էլ նրանց են սիրում, շոյում, խաղում նրանց հետ եւ հաճախ նաեւ «սելֆիով» նկարվում: Արդյունքը դրական է», նշում է, ըստ Սան Ֆրանցիսկոյից «ABS-7 News» լրատվամիջոցի, Ջենիֆեր Ղազարյանը ՙ այդ «բուժջոկատի» ծրագրային ղեկավարը: «Մարդիկ տարբեր նպատակներով են ճամբորդում: Երբեմն հարկադրված եւ տխուր առիթներով, այնպես որ շփումը «բուժջոկատի» կենդանիների հետ փոխում է նրանց տրամադրությունը: Ապացուցված է նաեւ, որ շներին շոյելը նվազեցնում է արյան ճնշումը, եւ օգնում մարդկանց դուրս գալ տաղտկալի վիճակից», ավելացնում է Ջենիֆերը:«Բուժջոկատը» աշխատում է շաբաթական 7 օր: Գաղափարը մտահղացել են «Մինետա Սան Խոսե» միջազգային օդանավակայանի աշխատակիցները 9/11-ի ահավոր միջադեպից հետո, երբ տեսել են, թե ինչպիսի դրական ազդեցություն է թողնում իրենց գործընկերոջ պատահականորեն օդանավակայան բերած վարժեցված շունը:Տարիների ընթացքում գաղափարը տարածվել է եւ այժմ Ամերիկայի շատ օդանավակայաններում կարելի է հանդիպել կենդանիների նման «բուժջոկատների», որոնց շարքերում գտնվող «Լիլուն», օրինակ, շատ է սիրում նվագել իր խաղալիք դաշնամուրը:Նկար 1. «Բուժջոկատը» Սան Ֆրանցիսկոյի օդանավակայանում Ջենիֆեր Ղազարյանը «Բուժջոկատի» անդամներից մեկի հետ |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ԿԵՆԴԱՆԻՆԵՐԻ «ԲՈՒԺՋՈԿԱՏԸ» ՕԳՆՈՒՄ Է ԹՈՒԼԱՑՆԵԼ ԼԱՐՎԱԾՈՒԹՅՈՒՆԸ
Արխիվ
Վերջին լուրեր
Պատերազմի օրերն իսկական մղձավանջ էին հայ ժողովրդի համար, որը ցավոք, շարունակվում է մինչև օրս. Առաքելյան
5 տարի առաջ Ադրբեջանի կողմից սանձահարված պատերազմը էապես փոխեց հայոց պատմության ընթացքը, երբ մեր հայրենիքի մի հատվածում՝ Արցախում Ադրբեջանը նպատակ...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական