| Հ.Ծ.Ֆլորիդայի Էվերգլեյդս նավահանգստում հուլիսի 27-ին շահագործման է հանձնվել Մ. Նահանգների ռազմածովային նավատորմի նորագույն տեխնիկայով հագեցած, «Արլեյ Բըրք» դասակարգի ականակիր կործանիչ նավը, որը կրում է Երկրորդ աշխարհամարտի տարիներին ամերիկյան նավատորմում ծառայած, արմատներով հայ Պոլ Իգնեյշսի (Իգնատիոսյան) անունը, տեղեկացնում է «Միրոր-Սփեքթեյթր» շաբաթաթերթը: Պոլ Իգնեյշսը նախագահ Լինդոն Ջոնսոնի վարչակազմի ժամանակ 1964-67 թվերին եղել է Մ. Նահանգների պաշտպանության փոխնախարար, իսկ հետագայումՙ 1967-69 թվերին ղեկավարել է ռազմածովային նավատորմի գերատեսչությունը:Շահագործման հանձնելու հանդիսավոր արարողությանը ելույթով հանդես է եկել նավատորմի քարտուղար (նախարար) Ռիչարդ Սպենսերը , որ նաեւ կատարում է պաշտպանության փոխնախարարի պարտականությունները: Ականակիրը վայելում է Իգնեյշսի կնոջՙ Նենսիի (որն այս տարվա սկզբներին վախճանվեց) հովանավորությունը: Նրան ներկայացրել է թոռնուհինՙ դոկտ. Էլիզա Իգնեյշսը, որ համաձայն ավանդության «կյանքի ուղեգիր է պարգեւել» նավին:«USS Paul Ignatius» ականակիրը իր տեսակի մեջ 67-րդն է եւ ներկայիս «DDG 51» ծրագրի շրջանակներում պայմանագիր կնքած 21 նավերից մեկը: Նրա առաքելություններից է խաղաղ ժամանակ ծովային վերահսկողություն սահմանել եւ մարդասիրական օժանդակություն ցուցաբերել, իսկ այլ պայմաններում ուժի ցուցադրություն ապահովել: Ունի արագ արձագանքելու հնարավորություններ:Իգնեյշսը ծնվել է Գլենդեյլում 1920-ին: Բնակվում է Վաշինգտոնում: Հեղինակ է «Այժմ մասամբ գիտեմ» (Now I Know in Part) խորագրով հուշագրությունների գրքի: Որդիներից մեկըՙ Դեյվիդը վիպասան է եւ «Վաշինգտոն փոստ» պարբերականի սյունակագիր: Մյուսըՙ Էյդին «Հարվարդ բիզնես Ռիվյու» պարբերականի գլխավոր խմբագիրն է:Նկար 1. Պոլ Իգնեյշսի (Իգնատիոսյան) |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ՇԱՀԱԳՈՐԾՄԱՆ Է ՀԱՆՁՆՎԵԼ ԻԳՆԵՅՇՍ ԱԿԱՆԱԿԻՐ ՆԱՎԸ
Համանման Հոդվածներ
Ամենաշատ ընթերցվածը
Սփյուռքի զորաշարժը եւ հայության խնդիրները Փարիզի համաժողովում. Արցախն ու Հայաստանը գլխավոր թեմաներ
Ապրիլի 11-12-ը Փարիզում անցկացվեց Սփյուռքի զորաշարժին նվիրված խորհրդաժողով, որի նպատակն էր վերջին տարիներին հայության կարեւորագույն խնդիրների ու մարտահրավերների քննարկումը: Թեեւ...
ԿարդալDetails
«Սահմանազատումը» Տավուշի Բաղանիս-Ոսկեպար հատվածում. Դավիթ Գալստյան
Google-ի քարտեզի վրա նշել եմ, թե ինչպես է անցել նոր սահմանը։ Դեղինով Google-ի սահմանն է, կարմիրով՝ «սահմանազատման/սահմանագծման» շրջանակներում հաստատված նոր...
ԿարդալDetails
Բնության դեսպանը. ապրիլի 20-ին լրանում է գեղանկարիչ Հրանտ Թադեւոսյանի ծննդյան 88 տարին
ՀՀ ժողովրդական նկարիչ Հրանտ Թադեւոսյանին (Թաթոսին) մեծ ու փոքր, տարբեր սերնդի արվեստագետներ դիմում եմ՝ որպես Վարպետի, եւ այդ, հիրավի, ժողովրդական...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական