Մայիսի 30-ին Մ. Նահանգների ներգաղթյալների եւ մաքսային վերահսկողության հարցերով զբաղվող դաշնային մարմինները Լոս Անջելեսում բանկային խարդախությունների մեղադրանքով ձերբակալել են ութ հայերի, իսկ իններորդըՙ փաստաբանի միջոցով խոստացել է ֆեդերալ իշխանություններին ներկայանալ հաջորդ օրը: Ըստ «Միրոր-Սփեքթեյթր» շաբաթաթերթի, ձերբակալվածները հետեւյալներն են.
1) Արա Մալխասյան, 48 տարեկան, Ուինետկայից,
2) Սմբատ Խեչումյան, 38 տարեկան, Հյուսիսային Հոլիվուդից,
3) Սվետա Խեչումյան, 45 տարեկան, Ուինետկայից: Սմբատի քույրն է,
4) Հարություն Պետրոսյան, 30 տարեկան, Վան Նայսից,
5) Արթուր Հարությունյան, 34 տարեկան, Էն Ինոյից,
6) Խաչատուր Չոբանյան, 38 տարեկան, Վան Նայսից,
7) Ջիվան Հախնազարյան, 49 տարեկան, Վան Նայսից,
8) Արման Գրիգորյան, 37 տարեկան, Հյուսիսային Հոլիվուդից,
9) Արտակ Օխոյան, 29 տարեկան, Բըրբենկից:
Նրանք մեղադրվում են ապօրինաբար ուրիշների անձնագրերը ձեռք բերելու, լուսանկարները փոխելու եւ ուրիշների բանկային հաշիվները յուրացնելու մեջ: «Bank of America» եւ «Wells Fargo» բանկերից յուրացված գումարը կազմում է 1,5 միլիոն դոլար: Քրեական օրենքով նման հանցագործության համար նախատեսվում է մինչեւ 30 տարվա բանտարկություն:
