Քննարկվում են տարբեր սցենարներ
ԵՄ կազմից Մեծ Բրիտանիայի դուրս գալու արդյունքում բրիտանական վեց խոշորագույն ընկերությունների կորուստները գնահատվում են 348 միլիոն ֆունտ ստեռլինգ, հաղորրդում է Bloomberg գործակալությունը: Նշվում է, որ Brexit-ի հետեւանքով ամենամեծ կորուստը կկրի Շոտլանդիայի թագավորական բանկը, որը մտադիր է ի դեպս Brexit-ի մշակել 100-150 մլն ֆունտ ընդհանուր արժողությամբ տարբեր սցենարներ: Հաղորդվում է, որ բանկը մտադիր է այդ գումարն օգտագործել Եվրոմիությունում նոր արտոնագրեր ձեռքբերելու, ինչպես նաեւ իր ակտիվները Ամստերդամ տեղափոխելու նպատակով:
HSBC բանկի կորուստները կազմեն շուրջ 137 մլն ֆունտ ստեռլինգ, իսկ երկրի դեղագործական խոշորագույն ֆիրմաներից մեկիՙ AstraZeneca-ինըՙ մոտ 30 մլն ֆունտ ստեռլինիգ: Bloomberg-ը նշում է, որ կորուստների հիմնական մասը կապված է Brexit-ի վերջնաժամկետիՙ մինչեւ ս.թ. հոկտեմբերի 31-ը երկարաձգվելու հետ: Ընկերությունները ստիպված կլինեն խոշոր միջոցներ ծախսել Brexit-ի հետ կապված զանազան սցենարների մշակման վրա, քանի որ ներկայումս Միացյալ Թագավորությունում գոյություն չունի ԵՄ-ի կազմից դուրս գալու կոնկրետ ծրագիր:
