Հինգշաբթի օրըՙ ապրիլի 18-ին ՀՀ ԱԱԾ-ն հայտարարություն տարածեց, համաձայն որի «ՀՀ ՊՎԾ պաշտոնատար անձանց կողմից պաշտոնական լիազորությունները չարաշահելու եւ ծանր հետեւանքներ առաջացնելու, մի խումբ անձանց կողմից նախնական համաձայնությամբ փաստաթղթեր կեղծելու, իրացնելու եւ օգտագործելու դեպքի առթիվ 2019 թվականի փետրվարի 20-ին ՀՀ ԱԱԾ դեպարտամենտում ՀՀ քրեական օրենսգրքի 308-րդ հոդվածի 2-րդ մասով հարուցված քրեական գործի նախաքննությամբ ձեռք բերված բավար ապացույցների համակցության հիման վրա 2019 թվականի ապրիլի 18-ին Դավիթ Սանասարյանին մեղադրանք է առաջադրվել ՀՀ քրեական օրենսգրքի 308-րդ հոդվածի 1-ին մասով»:
Դավիթ Սանասարյանի նկատմամբ խափանման միջոց է ընտրվել բնակության վայրից չբացակայելու ստորագրությունը: Դատախազի համաձայնությամբՙ քննիչի կողմից նույն օրը որոշում է կայացվել Դավիթ Սանասարյանի պաշտոնավարությունը ժամանակավորապես դադարեցնելու մասին, որն ուղարկվել է երկրի վարչապետին:
