Փետրվարի 21-ին ԿԳ նախարար Արայիկ Հարությունյանը հայտարարել էր, որ «քաղաքացու օրը» Անկախության տոնից հետո պետք է երկրորդը լինիՙ ընդգծելով, որ դա կապված է անցյալ տարի տեղի ունեցած քաղաքական զարգացումների հետ:
Հայտարարությունից պարզ երեւում է, որ ԿԳ նախարարն էլի «հեղափոխական գաղափարախոսության» շրջանակներում է ապրում եւ չի էլ պատրաստվում դուրս գալ, որովհետեւ, եթե դուրս եկած լիներ, Մայիսի 8-9 չէր մոռանա, օրեր, որոնք բեկումնային են հայոց պատմության համար: Ի դեպ, արգո Արայիկ Հ.-ն չգիտի՞, որ քաղաքացին սկզբից երեխա է լինում, հետո միայն քաղաքացի, արժե՞ հետին պլան մղել Երեխաների պաշտպանության օրը:
Վերջում նաեւ նշեմ, որ նախարարն առհասարակ սխալվում է, քանի որ տարվա օրերից քաղաքացունը պետք է լինի ոչ թե մեկ, այլՙ բոլոր օրերը:
