Հայտնի վերլուծաբան, մեր տարածաշրջանի հմուտ մասնագետներից Ստանիսլավ Տարասովը երեկ հարցազրույց է տվել «Ազգ»ի Մոսկվայի թղթակից Գոհար Բոտոյանին: Սուր հարցադրումներին համապատասխան սուր պատասխաններից մեկում ռուս փորձագետը տվել է հետեւյալ պատասխանը.
«Հիշեցնեմ, որ ռուսական ռազմակայանի ներկայությունը Հայաստանում մեծապես որոշվում էր նկատի ունենալով սպառնալիքը նախեւառաջ Թուրքիայից, այնուհետեւ եւ Ադրբեջանից: Նրանք, ովքեր ուզում են դուրս բերել ռուսական զորքերը Հայաստանից, հեռանկարին այլ աչքով են նայում: Ռազմաքաղաքական իրավիճակը Ռուսաստանի համար փոխվել է Սիրիայում ռուսական ռազմատիեզերական ուժերի գործարկումից հետո: Թուրքիայում աճել են ռուսամետ տրամադրությունները, այնինչ Հայաստանում հակառակն է: Եթե հայերի մի մասը որոշել է մեն-մենակ մնալ Թուրքիայի եւ Ադրբեջանի հետ, ի՞նչ կա որՙ կարող է եւ այդպես լինել»:
Հարցազրույցը ամբողջությամբ կարելի է կարդալ մեր առաջիկա համարում:
