Արցախի հերոս Ռոբերտ Աբաջյանի մասին պատմող կարճամետրաժ ֆիլմն արդեն հասանելի է: Տեւողությունը վեց րոպե է, նկարհանմանը մասնակցել են Արկադի Տեր-Թադեւոսյանը (Կոմանդոս), Գառնիկ Օհանյանը
Պաշտպանության բանակն զգուշացնում է Ադրբեջանի զինված ուժերին
Արցախի ՊԲ-ն դեկտեմբերի 26-ին տարածած հաղորդագրության մեջ նշում է, որ չնայած մի շարք բանավոր պայմանավորվածությունների, Ադրբեջանի զինված ուժերը շարունակում են շփման գծի ողջ երկայնքով խախտել հրադադարի ռեժիմը, այդ կերպ սրելով իրավիճակն ու այն տանելով առանց այն էլ ոչ անհավանական բախման :
«Արցախի Հանրապետության պաշտպանության նախարարությունը հորդորում է ադրբեջանական կողմին ձեռնպահ մնալ շփման գծում իրավիճակը սրելու անհեռանկար գործողություններից եւ գոնե տոնական օրերին հետեւել հրադադարի ռեժիմի պահպանման շուրջՙ կողմերի միջեւ ձեռք բերված բանավոր պայմանավորվածության պահանջներին»,- ասված է հաղորդագրության մեջ:
Հայտարարության մեջ նշված է նաեւ, որ նման ծավալի սադրանքների շարունակության դեպքում ՊԲ-ն պատրաստվում է իրավիճակից բխող համարժեք գործողություններ ձեռնարկել:
