Լույս է տեսել գրականագետ Սեյրան Գրիգորյանի «Պարույր Սեւակը եւ համաշխարհային պոեզիան» («Արմավ» հրատարակչություն, Երեւան, 2016) մենագրությունը: Գիրքը բաղկացած է ութ գլուխներից, որտեղ համեմատական քննության է առնված Սեւակի պոեզիայի առնչություններըՙ Ուիթմենի, Ներուդայի, Էլյուարի, Լորկայի, Մայակովսկու, Ցվետաեւայի, Թումանյանի, Չարենցի, Կոստան Զարյանի եւ ուրիշների պոեզիայի հետ: Գիրքը խմբագրել է պրոֆեսոր Վազգեն Գաբրիելյանը, գրախոսելՙ Սեւակ Ղազարյանը: Մենագրությունը երաշխավորել է ԵՊՀ գիտական խորհուրդը:
Իր բովանդակությամբ, մոտեցումների ու լուծումների առանձնահատկությամբ, ինչպես նաեւ գրականագիտական հմուտ դարբնոցից դուրս եկած լինելով, մենագրությունը վստահորեն կարող է համարվել վերջին տարիների հայ գրական ասպարեզում ստեղծված եզակի գրականագիտական աշխատանքներից մեկը:
