| ԳԵՂԱՄ ՄԿՐՏՉՅԱՆ, Գյումրի Հանրապետության երկրորդ քաղաքի ամանորյա գլխավոր տոնածառն ամեն տարի, արդեն երեք տասնամյակ, սկսում են դնել դեկտեմբերի 7-ից հետո: Այս տարիՙ երկրաշարժի հենց 30-րդ տարելիցի շեմին, չգիտես ով որոշել էր, որ դրա մետաղյա հիմնակմախքն արդեն կարելի է տեղադրել առանց այդ օրվան սպասելու, մոտ մեկ շաբաթ շուտ: Գուցե նրա համար, որ ծառի վերջնական ձեւավորումից հետո էլի կարողանանք նրա լույսերը հանդիսավոր վառել մայրաքաղաքից մեկ օր շուտ ու դրանով լենինականցիաբար պարծենալ: Ինչեւէ, 27 մետր բարձրությամբ, բնական ճյուղերով ձեւավորվող քաղաքային տոնածառը նման է մեծ, գեղեցիկ, բայց ցերեկները մերկ եղեւնու, եւ զարդարվում է միայն երեկոյան մութինՙ իր վառվող լույսերով ու դրանց խաղով: Ամանորյա գեղեցկուհու վրա կատարվող ծախսերը սոցիալ-տնտեսական ծանր խնդիրներ ունեցող քաղաքում համեստ ենՙ ընդամենը 3 մլն դրամ:Իսկ ինչպիսի՞ն էր Գյումրու համար 2018 թվականը եւ ինչ սպասել 2019-ից: Օրերս լրագրողների հետ հանդիպման ժամանակ ամփոփելով տարին, քաղաքապետ Սամվել Բալասանյանը հատկապես անդրադարձավ փողոցաշինության հետ կապված խնդիրներին: Բնակավայրի անցնող տարվա պատկերն ամենից շատ բնորոշողը, թերեւս, քաղաքով մեկ քանդուքարափ արված ու նորոգվող տասնյակից ավելի փողոցները եւ մայթերն են, որոնք արդեն մի քանի ամիս լուրջ խնդիրներ են առաջացրել ինչպես տվյալ փողոցների բնակչության, այնպես էլ հետիոտնի ու տրանսպորտի երթեւեկի համար, աշխատանքների ձգձգումներով ընդհանուր դժգոհություն առաջացրել: Ինչպես քաղաքապետը նշեց, Գյումրիում երեւի երբեք այսպես չի եղել, որ միանգամից 4 փողոցաշինական ծրագիր սկսեն իրականցնել: Դրանցից ամենամեծը Վերակառուցման եւ զարգացման եվրոպական բանկի 23,84 մլն եվրո ընդհանուր արժողությամբ վարկային ու դրամաշնորհային ծրագիրն է, որն այս տարի ընդգրկել էր 12 կմ ճանապարհ եւ երկու հրապարակ: 2 մլն դոլարի փողոցաշինություն իրականացվում է Համաշարհային բանկի ֆինանսավորմամբ: Վեց փողոցներ նորոգվել եւ մեկն էլ կնորոգվի տեղական բյուջեի միջոցներով: Եվ վերջապես, կառավարություն-քաղաքապետարան համատեղ ծրագրով կառուցվում է «Մուշ 2» թաղամասի հրապարակը:Միանգամից այս ծավալի աշխատանքներին, դրանց ընթացքում ի հայտ եկած նոր խնդիրներով հանդերձ, ըստ էության պատրաստ չէին կազմակերպիչներն ու շինարարները: Քաղաքապետը նշեց այդ փողոցների քանդվող շերտի տակ նախկին ջրահեռացման, կոյուղատար եւ այլ համակարգերի խաթարված վիճակը, որն էլ հիմնական պատճառ էր շատ դեպքերում աշխատանքների ձգձգումների ու նորոգվող փողոցներից շատերի այսօրվա դեռ կիսաքանդ վիճակի: Բալասանյանը հույս հայտնեց, որ ձմեռային շրջանի ընդմիջումից հետո, մինչեւ ապրիլի վերջ, այս առաջին փուլի բոլոր փողոցների նորոգումը կավարտեն: «Մենք 33 փողոցՙ 24 կմ ճանապարհ պետք է կառուցենք 2019 թվականին»,- ասաց նա, ավելացնելով, որ մինչեւ աշուն դա էլ ավարտելու են: Իսկ ծրագիրը շարունակվելու է նաեւ հետագա երկու տարիներին: Գյումրին ունի 220 կմ ընդհանուր երկարությամբ 180 փողոց: Հաճախ հնչող այն հարցին, թե հնարավոր չէ՞ր փողոց առ փողոց կառուցելով առաջ գնալ, քաղաքապետը պատասխանեց. «Այդպես քառասուն տարի կտեւի. բերեք միանգամից քանդենք-սարքենք վերջացնենք»:Համայնքի ղեկավարը քաղաքի համար լուծելու երկու կարեւորագույն խնդիր է տեսնում, որոնց միշտ հետամուտ է: Դրանցից մեկը, անօթեւանների խնդրի հետ մեկտեղ, կապված է տնակների հետ: Տեղում ստեղծված «Գյումրին առանց տնակների» հիմադրամի, տարբեր բարեգործների միջոցով այժմ որոշ թվով բնակարանների հարց է հաջողվում լուծել, ընդսմին նաեւՙ սոցիալական բնակարանների, բայց դրանով անօթեւանության խնդիրը չի կարող լուծվել: Գյումրիում այսօր դեռ կա 2854 տնակ, որոնցից 300-ը քարապատված, այդքանից 2400-ում ինչպես երկրաշարժից, այնպես էլ տարբեր այլ պատճառներով անօթեւան մարդիկ են բնակվում: Սամվել Բալասանյանը նշեց, թե իրենք ունեն դրա հետ կապված բովանդակային վերլուծություն, բայց այդ ամենը պետք է հիմնավորվի, որ հասկացվիՙ ով է իրական պահանջատեր: Սույն խնդրին հատուկ անդրադարձավ կառավարությունը դեկտեմբերի 7-ին այստեղ կայացած արտագնա նիստում, ամբողջական պատկերը հստակեցնելու համար ստեղծվել է հանձնաժողովՙ ընդգրկելով ինչպես տարբեր գերատեսչությունների, այնպես էլ տեղական իշխանության ներկայացուցիչներին, վերջնաժամկետ է նշանակվել հունիսի 30-ը: «Պետք է նաեւ մեր բնակիչների հետ աշխատենք, մի օր հասնենք նրան, որ քաղաքում այլեւս տնակներ չլինեն»,- հավելեց Բալասանյանը:Առանձին անդրադարձ կատարվեց նաեւ քաղաքային տրանսպորտի խնդրին: «Տրանսպորտի վիճակը խայտառակություն է»,- փաստեց քաղաքապետըՙ նշելով, թե տարիներ առաջ բերված առաջին խմբաքանակ ավտոբուսներն ինչ-որ բան էին, բայց ընդհանուր վիճակը դեռ շատ վատ է: Համայնքի ղեկավարը, իր հավաստմամբ, երկու-երեք ծրագիր է առաջարկել կառավարությանը, որոնցից մեկն ավտոբուսներին է վերաբերում: «50-60 ավտոբուս կարող ենք ներկրել,- ասաց նա:- Այդ 60 ավտոբուսը եթե քաղաքում լինի, լրիվ կարող ենք քաղաքային տրանսպորտը իդեալական շահագործել: Նույնիսկ մասնավոր սեկտորին էլ ընդգրկելու ենք, որպեսզի մենք կարողանանք այդ հարցին լուծում տալ»: |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ԳՅՈՒՄՐՈՒ ՔԱՂԱՔԱՊԵՏՆ ԱՄՓՈՓԵՑ ՏԱՐԻՆ
Լրահոս
Բանակում մահվան դեպքերը լրջագույն խնդիր են, և այսքան տարիների ընթացքում այս ասպարեզում բարեփոխումներ չեն եղել. իրավապաշտպան
Բանակում շարունակում են մահվան դեպքեր գրանցվել, սակայն դրանք հստակորեն չեն դիտարկվում որպես համակարգային խնդիր։ Հենց մահվան դեպքերը կանխելով, այդ դեպքերի...
ՊՆ-ն ցավակցություն անգամ չի հայտնում, բացատրություն չի տալիս՝ ինչու է զինվորը հասել մահվան դուռը, իսկ ՔԿ-ն անանուն, խղճուկ հաղորդագրություն է տարածում. իրավապաշտպան
Իրավապաշտպան Ժաննա Ալեքսանյանը խիստ բացասական է գնահատում նախօրեին բանակում մահվան հերթական դեպքի առնչությամբ ՀՀ պաշտպանության նախարարության անհաղորդ կեցվածքը։ Հիշեցնենք՝ ժամկետային...
108 տարի առաջ ճիշտ այս օրը Արցախի հայությունը իրացրել է ազգերի ինքնորոշման իր իրավունքը. Ստեփան Հասան-Ջալալյան
1804-1813թթ. ռուս-պարսկական պատերազմի ավարտին՝ 1813թ. հոկտեմբերի 12-ին, Արցախի Գյուլիստան գավառում գտնվող Գյուլիստանի բերդում կնքված ռուս-պարսկական պայմանագրով Արցախն ընդգրկվել է ռուսական...
Կյանքից վաղաժամ հեռացել է ՀՀ ԶՈՒ զինծառայող, Հայ-ռուսական համալսարանի ուսանող Նարեկ Թորոսյանը
Կյանքից վաղաժամ հեռացել է Հայաստանի Հանրապետության զինված ուժերի զինծառայող, Հայ-ռուսական համալսարանի «Լրագրություն» ուղղության ուսանող Նարեկ Թորոսյանը։ «Հայ-ռուսական համալսարանի ղեկավարությունը, դասախոսական...
Թրամփը ցանկանում է Ինֆանտինոյին տեսնել ՄԱԿ-ի գլխավոր քարտուղարի պաշտոնում
ԱՄՆ նախագահ Դոնալդ Թրամփը կցանկանար, որ ՖԻՖԱ-ի նախագահ Ջանի Ինֆանտինոն զբաղեցնի ՄԱԿ-ի գլխավոր քարտուղարի պաշտոնը ներկայիս գլխավոր քարտուղար Անտոնիո Գուտերեշի լիազորությունների ավարտից հետո. հաղորդում է New York...
Ռուբեն Վարդանյանը որոշում է կայացրել արդարության համար պայքարը շարունակել միջազգային իրավական մեխանիզմների միջոցով. Սիրանուշ Սահակյան
Բաքվում ապօրինաբար պահվող Ռուբեն Վարդանյանի գործով գանգատ է ներկայացվել Մարդու իրավունքների եվրոպական դատարան Իրավապաշտպան Սիրանուշ Սահակյանը հայտարարություն է տարածել, որը...
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական