Նոյեմբերի 7-ին Արցախի ԱԱԾ նախկին տնօրեն, Արցախի հերոս, գեներալ-լեյտենանտ Արշավիր Ղարամյանն իր ֆեյսբուքյան էջում արեց մի գրառում, որը, թերեւս, սթափվելու եւ զգաստանալու կոչ է։
«2018 թ. նոյեմբերի 5-ին Աղդամի (Ակնայի) շրջանում Ադրբեջանի նախագահ Իլհամ Ալիեւը մասնակցելով «Մուղամի կենտրոնի» բացման արարողությանը, իր ելույթում բարձրագոչ եւ շատ կարեւոր հայտարարություններ է արել»,- գրել է Ղարամյանը։
Թվարկելով Իլհամ Ալիեւի բախտախնդիր հայտարարություններն ու դրանց մեջ տեսնելով ադրբեջանական քաղաքականությանը ոչ խորթ շիզոֆրենիա, Ղարամյանն իր հայտարարությունը եզրափակում է հետեւյալով.
«Հաշվի առնելով ներկա փուլում տարածաշրջանում տեղի ունեցող աշխարհաքաղաքական եւ ռազմաքաղաքական զարգացումները (Մերձավոր Արեւելքը, Իրան) խորհելու, մտահոգվելու եւ բոլոր ռեսուրսները մոբիլիզացնելու խնդիր ունենք մոտակա ժամանակահատվածում»։
