Հոկտեմբերի 14-ին Բեռլինի Կոնցերտհաուսում կպատվեն գերմանական Opus Klassik մրցանակաբաշխության հաղթողներին, որոնց մեջ Վիեննայում բնակվող մեր տաղանդավոր Էմանուել Ճգնավորյանն է: Տարվա երիտասարդ ջութակահար անվանակարգում հաղթող է ճանաչվել նրա Solo ալբոմը: Տարվա կամերային կատարումՙ 20- 21- րդ դարի երաժշտություն անվանակարգում հաղթող է համարվել դաշնակահարներ Մարթա Արգերիխի եւ Սերգեյ Բաբայանի ՙ Prokofiev for Two ալբոմը, որի մասին գրել ենք «Ազգ»-ում: Գերմանական երաժշտարտադրողների դաշնային միության Echo մրցանակաբաշխությունը, որ հակահրեական սկանդալի պատճառով արգելվել էր, այժմ դասականի իր խրախուսման գործունեությունը շարունակում է Opus Klassik մրցանակաբաշխության անցկացմամբ: Մրցանակաբաշխման հանդիսավոր արարողությանը կարելի է հետեւել գերմանական հեռուստատեսության երկրորդ ալիքի ուղիղ եթերում:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական