ՀԲԸՄ-ի Հայկական վիրտուալ համալսարանի կրթական ծրագրերի համակարգող Մարինա Խաչատուրյանի եւ ուսանող Արամ Աղաջանյանի կազմակերպությամբ հունիսի 7-ին սքայփի միջոցով իր նոր «Հռոմեական Հայաստանը: Վերապրումի ուսումնասիրություն» («Roman Armenia: A Study in Survival») խորագրով գիրքն է ներկայացրել պատմաբան Մայքլ Բոյաջյանը: Նա հետաքրքրական մանրամասնություններով խոսել է Հռոմ-Հայաստան 500-ամյա հարաբերությունների, Տիգրան Մեծի եւ Պոմպեոսի հակամարտության եւ հետագա համաձայնության մասին, որն էլ հիմք հանդիսացավ Հայաստանի աշխարհաքաղաքական ուղունՙ ապահովելով նրա վերապրումը մինչեւ մեր օրերը: Դրա շնորհիվ է, որ Հայաստանը կարողացել է գոյատեւել հաղթահարելով հակամարտությունները պարթեւների, պարսիկների, ռուսների եւ թուրքերի դեմ:
Այսօր էլ, շեշտել է նա, Հայաստանը ճիշտ քաղաքականություն է վարում կշռադատված մոտեցում ցուցաբերելով արեւմուտքի եւ արեւելքի (Մ. Նահանգների եւ Ռուսաստանի) երկրների հետ իր հարաբերություններում:
Գիրքն իր տեսակի մեջ առաջինն է, որ անգլերեն լեզվով Հայաստանի այդ ժամանակաշրջանին է անդրադառնում:
Բոյաջյանը պատմության գծով գիտական աստիճան է ստացել Սթոունի Բրուք համալսարանից (Նյու Յորք), իսկ իրավաբանության գծովՙ Բրուքլինի իրավագիտական կրթօջախից: Մասնագիտությամբ փաստաբան է եւ նախկինում եղել է մարդու իրավունքների պաշտպան դատավոր: Ապրում է Հուդզոն հովտում: Հեղինակ է մի շարք գրքերի:
