ՆԱՄԱԿ ԽՄԲԱԳՐՈՒԹՅԱՆԸ

ԳԵՂՈՒՆԻ ՉԹՉՅԱՆ, Կոմպոզիտոր

Հարգելի պարոն խմբագիր,

Ուղարկում եմ Ձեզ իմ խնդրանքի տեքստի մի մասը, ուղղված պարոն Ն. Փաշինյանին, որը հնչեցրել եմ մշակույթի գործիչների հետ հանդիպման ժամանակ 2018 թ. մայիսի 25-ին.

«… Որպեսզի մենք ունենանք կիրթ հասարակություն, մենք մեր երեխաներին դեռ մանկապարտեզից եւ առաջին դասարանից մինչեւ դպրոցի ավարտական դասարանը պետք է մտերմացնենք նաեւ դասական լուրջ երաժշտության հետՙ Մոցարտ, Բեթհովեն, Կոմիտաս եւ այլք…» :

«Ազգ»-ի հունիսի 1 համարում լրագրող Նաիր Յանը իրեն իրավունք է վերապահել ինձ խմբագրելու եւ այս երեք հեղինակների փոխարեն մեջբերել է. «Բախ, Մոցարտ, Բեթհովեն, Գրիգ, Բրամս», իսկ Կոմիտասի անունը անհասկանալի պատճառներով վերագրվել է Վարչապետին:

Շնորհակալ կլինեմ, եթե խմբագրության կողմից այս սխալը ուղղվի:

Հարգանքովՙ