Հայկական մաֆիան Կենտրոնական Գերմանիայում նորից տեղական լրատվամիջոցների ուշադրությանն արժանացավ մայիսի 17-ին: MDR-ի տարածած լրատվության համաձայն, Այհսֆելդ (Eichsfeld) մարզային շրջանի Վորբիս (Worbis) քաղաքում ավտոմեքենաների առուվաճառքով զբաղվող հայերիՙ երկու ընդդիմադիր կլանների միջեւ ծեծկռտուք է եղել, որ ավարտ է գտել իրավապահ մարմիններիՙ ոստիկանության, քրեական հետախուզության մեծաթիվ աշխատակիցներիՙ դեպքի վայր ժամանմամբ: Թե իրականում որն է եղել կռվի շարժառիթը, դեռեւս չի նշվում, բայց դատախազության պարզաբանմամբՙ զոհ չկա, թեեւ MDR-ի ծանուցմամբ, զենք հայտնաբերվել է, ինչը դատախազության աշխատակիցը ոչ հերքել, ոչ էլ հաստատել է: Հիշյալ լրատվամիջոցը իրազեկում է նաեւ, որ վերջին ծեծկռտուքը հաջորդել է մոտ 2 շաբաթ առաջ Գյոթթինգենում տեղի ունեցած արյունոտ բախմանը, որի մասնակիցները դարձյալ հայեր են եղել, մոտ 20 հոգի, եւ որի ժամանակ բազմաթիվ վիրավորներ են եղել: Այդ միջադեպի ժամանակ նկատվել է Այհսֆելդի համարանիշներով ավտոմեքենաների առկայություն, որոնցից մեկում զենք է հայտնաբերվել: Օրեր անց ոստիկանությունը խուզարկություն է անցկացրել հիշատակված քաղաքի եւ շրջակայքի բնակիչներից շատերի բնակարաններում եւ գործարար տարածքներումՙ ներառելով ավտոմեքենաների առեւտրով զբաղվողներին: Գերմանական լրատվամիջոցը նշում է, որ վիճաբանության պատճառը տարիներ ի վեր նույնն էՙ դրամ, անշարժ գույք, բիզնեսի մեջ մասնաբաժին: Հիշյալ երկու կլաններն էլ ավտոմեքենաների առուվաճառքի գործում ակտիվ են, բայց կասկած կա, որ կլանի առանձին անդամներ հնարավոր ներգրավվածություն կարող են ունենալ թմրամիջոցների առուվաճառքի մեջ: Այհսֆելդի երկու կլանների եւ Էրֆուրտի հայկական մաֆիայի միջեւ ուղղակի կապ չի հայտնաբերվել: 15 տարի է արդեն, ինչ Էրֆուրտում հայկական մաֆիայի երկուՙ միմյանց դեմ պայքարող ընտանիքներ են գործում: Վերջիններիս «քաջագործությունների» մասինպարբերաբար ծանուցել ենք անցյալ տարիներին մեր թերթի էջերումՙ մի չփարատվող մտահոգությամբՙ մինչեւ ե՞րբ են այսպիսիներին հանդուրժելու:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
Արխիվ
| Երկ | Երք | Չրք | Հնգ | Ուր | Շբթ | Կիր |
|---|---|---|---|---|---|---|
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
| « Սեպտեմբերի | Նոյեմբերի » | |||||
Վերջին լուրեր
Մտնում էին մորգ՝ դիակները ճանաչելու…5 տարի առաջ այս անիծյալ օրը
5 տարի առաջ այս անիծյալ օրը․․․ Ցերեկը 2-ի կողմերը գրասենյակից դուրս եկա։ Հետ եկա. 4-5-ի կողմերն էր։ Արդեն պարզ էր,...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական