Կար ժամանակ, երբ արեւմտյան եւ վերջինիս հարող երկրներում Մարտի 8-ը չէր նշվում. դա համարվում էր կոմունիստական քարոզչության հնարանք:
Հիմա փոխվել են ժամանակները, եւ նույնիսկ Մ. Նահանգներում է նշվում Կանանց միջազգային օրը, նմանապեսՙ եվրոպական երկրներում: Սակայն մեզ համար ավելի հատկանշականը կանանց բողոքի ցույցերն են Թուրքիայի մեծ քաղաքներում, այդ թվումՙ Ստամբուլում եւ Անկարայում, որտեղ ուշագրավ ցուցերն սկսվել էին դեռեւս կիրակի օրը ու շարունակվեցին երեկ: Դրանք ընդմիջվեցին թուրքական ոստիկանության արցունքաբեր ռումբերով եւ ջրցաններով:
Թուրք կանանց առաջին պահանջը վերաբերում էր ներընտանեկան բռնությունների վերացմանը: Միայն 2017 թ.ին այդ բռնությունների հետեւանքով մահացել են 400-ից ավել կանայք: Երկրորդ գլխավոր պահանջը վերաբերում էր աշխատանքի եւ վարձատրության հավասարությանը երկու սեռերի միջեւ: Եղել են նաեւ կանանց ցույցեր` քրդերի դեմ թուրքական բանակի խժդժությունների դեմ:
